Carolyn Skorupa Enkoraja Feto Timoroan Luta Ba Igualidade Jéneru

Fahe Tutan

Naunil Media, (Díli), Segundu Sekretária Polítika husi embaixa Australia mai Timor-Leste (TL), Carolyn Skorupa, haterten feto hotu-hotu iha mundu inklui Timor-Leste tenke hamriik hamutuk hodi luta ba igualidade jéneru no husu ba organizasaun feto atu kontinua hakbít nia feto malu ba area oioin.

Diplomata Feto Australia nian iha Timor-Leste, Carolyn Skorupa ba jornalista sira hafoin partisipa seremonia selebrasaun loron mundiál feto nian tinan 2020 ne’e, organiza husi embaixa Australia rasik mak hala’o  iha Timor Plaza, Segunda (09/03).

“Horseik loron intersional ba feto, entaun ohin Embaixada Australia ho eventu ida iha Timor Plaza hodi selebra loron internasionál feto nia susesu, ba feto sira iha mundu tomak hodi atinji iha area politika, ekonómiku, social no selu seluk tan”, hateten Carolyn.

Entretantu, Diretora Redi Feto, Juvit Dias Ximenes, hateten liu husi organizasaun feto ne’ebe luta ba direitu feto nian iha Timor-Leste hahu kapasita no hakbiit ona feto maluk

“Organizasaun sira ne’ebé durante ne’e hala’o servisu luta direitu feto no gualidade jéneru iha Timor-Leste mak hanesan, CAUCUS, MOFFE, Alfela no seluk tan. Ho aopia husi ejensia no organizasaun oioin husi rai liur, konsege hakbiiit nia feto maluk sira no sira kontinua  luta direitu”, afirma nia.  

Komemorasaun ne’e mós prienxe ho aktiviadade diskusaun no iha panelista. Sira diskuti kona-bá progresu no dezafius ne’ebé feto Timor-Leste sira hasoru no oinsa atu hanoin hamutuk hodi promove di’ak liu tan feto iha aspetu oioin ho atividade hotu iha dezenvolvimentu nasional.

Enkuantu tuir dadus husi Ministériu Estranjeirus Australia nini’an, sira feto ne’ebe  atinji hodi ikuoa kargu politiku iha pursentu 44 (%) no iha Timor-Leste rasik atinji pursentu 40 (%).

Seremonia selebrasaun loron munidial feto 08 Marsu 2020, iha Timor-Leste ho Lema “Ita Mak Jerasaun Ba Igualdade, Tan Ne’e Ita Duni Mak Sei Hamriik Hamutuk Hodi Luta Ba Igualdade”.

Eventu ne’e partispa mós husi, Prezidente Funsaun Publiku, Nasoins Unidas iha Timor-Leste, Uniaun Europeia, Sosiedade Sivil, Rede Feto, Caucus, Movimentu Feto Foinsa’e (MOFFE), Fokupers no oraganizasaun sira ne’ebé serbisu area Igualdade Jéneru no inkluzaun. San

Leave a Reply

Your email address will not be published.