UNTL-Komunidade Aldeia Kaisabe Selebra Loron Mundiál Feto Ho Aktividade Semináriu
Naunil Media (Díli), Domingo (08/03) ne’e, estudante sira departamentu dezenvolvimentu komunitáriu husi Universidade Nacionál Timor Lorosa’e (UNTL) ho komunidade aldeia Kaisabe, suku Kamea, postu administrativu Cristo Rei, Munisipiu Díli hamutukk selebra loron mundiál feto nian ho aktividade semináriu hodi koalia kona-bá partisipasaun feto Timoroan nian partisipasaun ba vida polítika no dezenvolvimentu nasaun.
Ba Naunil Media, Xefe Aldeia Kaisabe, Carlos de Jesus Sarmento, hateten aktividade selebrasaun ne’e ba dahuluk realiza iha aldeia refere no konsidera ida ne’e hanesan buat foun ba autoridade aldeia no komunidade.
“Ami sente hanesan hela iha area remotas, tanba iha limitasaun no ladún iha asesu informasaun ho di’ak, maske nuen’e importante baa mi mak mantein no kaer metin espíritu nasionalizmu no patriotizmu iha ida-idak ninia moris lor-loron”, hatete xefe aldeia ne’e.
Komisaun organizadora Bendito Oliveira Gusmão Cabral, aktividade ne’e atu dignifika feto sira nian direitu iha partisipasaun vida polítika, ekonomia no dezenvolvimentu em jerál.
Selebrasaun loron mundiál feto nian iha Kaisabe ho tema ‘Hau Mak Jerasaun Igualdade Hakonu Direítu Feto Nian’ no oradór sira mai hosi komitê 25, finalista husi estudante dezenvolvimentu komunitariu no hetan partisipasaun maxímu hosi komunidade aldeia Kaisabe, estudante UNTL no iha mos inan veteransira. Jjf
