PD Husu Governu Esplika Prosesu Subsídiu U$ 100.00

Fahe Tutan

Naunil Media (Dili), Vise Xefe Bankada Partidu Demokrátiku (PD), Adriano do Nacimento, hateten estadu emerjénsia bele estende maibe governu tenke esplika prosesu subsídiu U$ 100.00, tamba durante fulan rua povulasaun maioria susar tebes hetan nesesidade baziku.

Vise xefe bankada Partidu Demokrátiku, Adriano do Nacimento, hateten liu hosi nia intervensau polítika iha plenaria Parlamentu Nasional, Segunda (25/05).

“Ita tenke haree situasaun moris povu nian, hau hanoin governu tenke hola polítika ida ho dignu, depois fulan rua moris povu nia iha Timor-Leste ita tenke haree fó  solusaun alternativa ruma, hodi nune’e povu bele moris. Haree liu-ba subsídiu dolar atus ida ne’ebe governu atu fó. Husu governu atu esplika difikuladede ne’e saida, tamba sá to’o agora seidauk fó, povu sira hein hela tamba situasaun defisil tebes, tamba atu sosa ai-han ba sira”, hateten vise xefe bankada PD, deputadu Adriano do Nacimento ‘Loro-Mau’.

Reprezentante Povu iha Uma Fuku Parlamentu Nasionál, Adriano, hatutan parlamentu nasionál tenke bolu Gabineti Sentru Integradu Jestaun Krize (CIGC-Sigla Português) atu aprezenta relatóriu ezekusaun orsamentu ba COVID-19, preparasaun ba estensaun estadu emerjénsia no esplika dezenvolvimentu COVID-19 iha nasaun vijiñu sira.

“Ami husu parlamentu bele organiza konvida gabineti jestaun krize bele mai esplika dezenvolvimentu moras covid-19 iha pais vijiñu sira to’o agora iha ne’ebe, i aumezmo tempu aprejenta mos relatóriu kona-ba ezekusaun osan nomos preparasaun ne’ebe mak iha estensaun estadu emerjénsia tuir mai” sujere deputadu ne’e.

Hatan ba preokupasaun ne’e, Sekretariu Estadu Komunilasaun Sosial, núdar porta voz governu nian makk prezente iha plenaria Parlamentu Nasionál ne’e, hateten governu rekuiñese subsídiu dolar atus ida ne’e tarde, tanba iha defikuldade maibe iha ona prosesu nia laran.

“Kona-ba subsídiu sein dolar sei kontinua la’o ita sei selu, tamba iha polítika governu nian tenke ezekuta duni tuir prinsípiu, ezekuta tuir planu, ita iha defikuldade duni iha estadu emerjénsia. Ita presiza ajusta tan sistema balun, ekipa sei haree nee lalais, Primeiru Ministru mos orienta ona ekipa, loron domingu mos tenke servisu hodi bele rezolve lalais inpedimentu sira ne’e iha tempu badak, i parte seluk estensaun estadu emerjénsia ne’e presiza duni estende tamba kazu COVID iha ita nia rai mak laiha ona, maibe COVID-19 seidauk lakon total no presiza halo prevensaun”. dehan governante ne’e. Uar

Leave a Reply

Your email address will not be published.