Kestaun Seguransa Ángela husu PNTL adia Manisfestasaun

Fahe Tutan

Naunil Media (Díli), Porta voz Polísia Nasionál Timor-Leste (PNTL) Superintendente Xefe Arnaldo Araújo, hateten ekipa husi Ángela Freitas marka Prezensa (Tersa 02/09) iha Kuartel Jerál ne’e kualia kona-bá atu halo demostrasaun maibé preokupa ho kestaun seguransa rai laran.

“Ohin marka tan prezensa iha ne’e, ekipa Ángela Freitas koalia kona-bá sira nia planu atu hala’o demostrasaun maibé kestaun seguransa iha rai laran, ho ida ne’e sira rasik husu atu adia fali iha futuru, lahatene bainhira sira sei mai hasoru fila fali Polísia hodi koalia kona-bá bainhira mak sira atu halo demostrasaun ida ne’e”, Porta voz PNTL, Superintente Xefe Arnaldo de Araújo, liu husi Konferensia Imprensa iha Quarter Jerál PNTL, Kuarta ( 2/09).

Porta voz PNTL, Arnaldo haktuir, grupu Ángela rasik mak ba husu atu kansela fali sira nia aktividade ida ne’e, la’os polisia mak kansela, sira husu nune’e bele prepara di’ak liu-tan sira nia aktividade demostrasaun ida ne’e, maibé ohin sira dehan importante ba sira mak, tanba deit sira nia manisfestante sira seidauk prepara atu bele tun mai halo manisfestaun, tanba ida ne’e mak sira adia fali manisfestasaun ne’e iha futuru oin mai.

“Sira rasik mak mai husu atu kansela fila sira nia aktividade ida ne’e la’os polísia mak kansela, sira husu nune’e bele prepara diak liu-tan sira nia aktividade demostrasaun ida ne’e, maibé ohin sira dehan importante ba sira maka, tanba deit sira nia manisfestante sira seidauk prepara atu bele tun mai halo manisfestaun, tanba ida ne’e mak sira adia fali manisfestasaun ne’e iha futuru oin mai”. Tenik Nia

Ikus-liu Nia afirma hanesan iha parte seguransa ba se deit PNTL ne’ebé seguransa atu bele kria estabelidade no paz ida ne’ebé mak diak ba nasaun no povu ida ne’e hodi nune’e sira bele moris iha seguru nia laran. Flo/Emj5

Leave a Reply

Your email address will not be published.