Kestaun Orsamentu Posibilidade MD Rekruta uluk Membru F-FDTL Foun 600
![](https://www.naunil.com/wp-content/uploads/2021/02/IMG_20210216_151619.jpg)
Naunil Media (Dili) Ministru Defeza Filomeno da Paixão liu husi enkontru ho prezidenti da Repúblika Francisco Guteres Lú Olo, informa iha posibilidade sei halo rekrutamentu uluk ba membru F-FDTL 600. Tanba kestaun Osamentu.
“Ministru Defeza sei hein proposta husi Xefe Estadu Maior Jeneräl kona-ba rekrutamentu ba 600 membru foun sei halo dala ida de’it ka hala’o uluk ba 300” deklara Ministeru Defeza iha palasiu prezidenti Nicolau Lobato Bairu Pite tersa (16/02).
Nia klarifika dadaun ne’e Ministériu Defeza hein hela proposta husi Xefe Estadu Maior Jeneräl relasiona ho rekrutamentu ba membru foun F-FDTL nian hodi aprezenta ba Konsellu Ministru.
“Membru F-FDTL foun hamutuk 1200 maibé tanba kestaun orsamentu aprova uluk mak 600. Aleinde kestaun orsamentu, kondisaun iha Sentru Formasaun F-FDTL bele akomoda rekrutamentu masimu na’in-600 de’it tanba Iojistikamente la prontu atu halo rekrutamentu 1200 dala ida de‘it” hateten Paixão.
Relasiona ho rekruta membru foun lha 12 janeiru 2021, Prezidente Repüblika promulga Dekretu-Lei kona-ba Regulamentu Lei Servisu Militar ne‘ebé Konsellu Ministru aprova iha outubru 2020.
Nune’e ih Dekretu-Lei númeru 33/2020, 2 setembru, tama iha vigor ne’ebé konsagra servisu efetivu normal ho karéter obrigatöriu ba sidadaun hotu-hotu, feto no mane, husi idade 18-30 ho durasaun fulan-18. */ Pau