Bankada CNRT Preokupa ho F-FDTL Serku Rezidensia Ángela Freitas

Fahe Tutan

Naunil Media (Díli), Vise Xefe Bankada Consgreço Nacionál Reconstrução Timorense (CNRT), Patrocino Fernandes, hateten preokupa ho membru sira FALINTIL-Forsa Defesa Timor-Leste (F-FDTL) ba serku rezidensia porta voz  Resistensia Nasionál Defende Justisa no Konstituisaun RDTL (RNDJK) Angela Freitas.

“Lamentavel uituan, tanba ita país demokrátiku, kuandu ita uza ona forsa hodi serku ita nia sidadaun, tristi bo’ot ba ita nia país, hanesan país demokrátiku ne’e”, Deputadu Bankada CNRT, Patrocino, ba jornalista sira iha uma fukun Parlamentu Nasionál (PN), Kuarta (02/09).

Tuir reprezentante povu iha Uma Fukun PN ne’e, loloos aktus hirak ne’e labele akontese iha nasaun demokrátika, tanba Timor-Leste la’ós nasaun ditadura.

“Akontesimentu ida ne’e sei lori ema nia hanoin ba ema hotu-hotu, aban bain-rua ema sei tauk atu halo kontrolu sosial, ba estadu nia lala’ok, signifika ita hatudu ona  imajen ne’ebé ladun di’ak ba ita nia nasaun hanesan nasaun demokrátiku”, tenik Nia.

Nia dehan, Institusaun F-FDTL no PNTL iha obrigasaun konstituisionál atu garante seguransa  ba ninia povu, atu povu labele sente moris fali iha presaun nia laran.

Serku Ánglea Freitas husi F-FDTL akontese horseik (Segunda 01/09) iha rezidensia  Bairru Formoza, mais ou menus tuku 14:15 oras Timor-Leste. Ana

Leave a Reply

Your email address will not be published.