Bankada CNRT Preokupa ho Pagamentu Subsidiu $100.00 ba Reklamante Sira

Fahe Tutan

Naunil Media (Díli), Deputada Bankada Congreço Nacionál Reconstrução Timorense (CNRT), Bendita Moniz, hatete pagamentu subsídiu $100 ba populasaun reklamante sira laloos no la justu tanba to’o agora  populasaun  balun  seidauk hetan subsídiu hosi Governu.

“Iha osan ne’ebé aprova ona bá fundu COVID-19 liu-liu subsídiu $100.00 ba populasaun, maibé osan ne’e nia rezultadu seidauk ho loloos”, Dehan Deputada Bendita Moniz, ba jornalista sira iha Uma Fukun Parlamentu Nasionál (PN), Kinta, (03/09).

Nia hatutan, osan fundu ba COVID-19 aprova ona, maibe to’o agora seidauk hatene loloos rezultadu, tanba iha fatin barak mak seidauk simu subsídiu, no to’o agora Governu seidauk iha justifikasaun ruma.

“Realidade ne’ebé hatudu iha Rejiaun Administrativa Espesiál Oe-Cusse Ambeno  (RAEOA), aldeia Hautefu, suku Banafi, to’o agora seidauk simu subsídiu ida ne’e rasik, iha ema 250 uma kain ne’ebé aloka ba ne’e to’o agora aldeia ne’e rasik seidauk simu sibsídiu”. Dehan deputada ne’e. Ana

Leave a Reply

Your email address will not be published.