SEKOMS-GJK Diskute Apoia Jornalista Sira Durante Periódu Estadu Emerjénsia

Fahe Tutan

Naunil Media (Díli), Governu liuhosi Sekretaria Estadu Komunikasaun Sosiál (SEKOMS)  no Gabinete Jestaun Krize hahú diskute fó apoiu ba media sira tanba media sai pilár inportante iha situasuan estadu emerjénsia hodi hasoru COVID-19.

Asuntu ne’e hato’o hosi SEKOMS, Mericio Juvenal dos Reis ‘Akara’ ba jornalista sira iha uma fukun Parlamentu Nasionál, Kuarta (01/04).

Nia hatutan, SEKOMS  no Gabinete Jestaun Krize ba tempu emerjensia nian ne’ebé lidera hosi ne’ebé lidera hosi Ministru Kooredenadór Asuntu Ekonomia (MKAE) ein-ezersísiu Fidelis Manuel Leite Magalhães dau-daun ne’e, iha ona faze diskusaun hodi buka dalan ba apoia ba media inklui fasilidade atu proteze ba jornalista sira durante iha  estadu emerjénsia.

“Ekipa tékniku halo hela esforsu, dau-daun ne’e diskute hela, ne’ebé ita boot sira (jornalista) hein deit, solusaun saida mak iha, tanba  gabinete jestaun krize inklui mós SEKOMS agora diskute hela kona-ba pilár importante média nian iha estadu emerjénsia ne’e,” dehan SEKOMS Merício.

Governante haktuir,  hosi gabinete jestaun krize hamutuk ho Sekoms konsege establese média center ida iha Centro de Convensões de Díli (CCD) atu oinsa fasilita no proteje jornalista sira la bele sai vítima ba situasaun ida ne’e.

“Pilar média ne’e parte ida ne’ebé hamriik mós iha filleira primeiru hodi kombate COVID-19, tanba ne’e ita sei esforsu para gabinete apoiu fasilidade báziku ba jornalista sira hanesan internete gratuita, maskara no  luvas,” dehan Nia. Ana

Leave a Reply

Your email address will not be published.