FEATUREDIkus LiuNewsSaude

Fevereiru To’o 01 Abríl, Suspeitu COVID-19 Hamutuk 25

Fahe Tutan

Naunil Media (Díli), Membru Sentru Integradu Jestaun Krize (CIGC-Sigla Português), Rui María de Araúj, hateten hosi fulan Fevereiru to’o loron 01 fulan Abríl tinan 2020, suspeitu COVID-19 hamutuk 25 pozituvu ida, negativu nain 22, no nain tolu sei hein rezultadu.

Membru Sentru Integradu Jestaun Krize, Rui María de Araújo, ba jornalista sira liuhosi komunikadu inprensa, iha salaun CIGC Centro de Convenções de Díli (CCD), Kuarta (01/04).

“Hahu hosi fevereiru mai to’o ohin, kazus ne’ebé iha suspeitu iha 25, suspeitu siknifika ema ne’ebé mai hosi nasaun afetadu, hafoin nia hatudu nia sintomas ne’e hamutuk nain 25”, hateten Membru CIGC, Rui Araújo.

Nia hatutan tuir protokolu ne’ebé iha, suspeitu tenke halo análiza laboratóriu, entaun durante ne’e suspeitu nain 25 ne’e liu hotu ona teste laboratóriu maibe ida de’it mak pozitivu ba COVID-19, nain 22 negativu ba COVID-19 no nain tolu seluk sei hein rezultadu.

“Hosi nain 25 ne’ebé halo ona análize ida deit mak pozitivu, pozitivu ida uluk anunsiu iha 21 fevereiru ne’e mak nafatin to’o agora, nain 22 rejultadu hatudu negative, hotu nain tolu sei hein rezultadu”, informa Rui.

Tuir Nia, ema hotu prezisa hadook aan hosi moras ne’e, tenke kontribui ba estadu emerjénsia, ema hotu hela iha uma no labele la’o asuntu la inportante, sai la’o ba fatin públiku tenke uza maskra, halibur ema barak tenke uza maskra, kontrola nafatin hijiene pesoál, hanesan fase liman bebeik, keta haluha liman kaer matan, inus, ibun, tamba ida ne’e mak sai meus transmisaun ne’ebé importante liu prevene corona virus.

Nia mos informa suspeitu ne’ebe dadaun ne’e pozitivu ekipa mediku akompaña nafatin iha fatin izolamentu, maibe suspeitu ne’e hatudu kondisaun di’ak ona, sintomas la iha ona, maibe sei kontinua teste suspeitu ne’e, tamba normalmente sai ona suspeitu tenke teste liuhosi laboratóriu, mínimu dala rua liuhosi loron ida hatudu negativu bele livre ona hosi fatin izolamentu.Uar

Leave a Reply

Your email address will not be published. Required fields are marked *