Suku Fatulia Infrenta Hamlaha, Angelo Husu Governu Fó Atensaun

Fahe Tutan

Naunil Media (Díli), Xefe suku Fatulia, Angelo Moises Pereira, informa komunidade suku Fatulia dadauk ne’e infrenta problema hamlaha, tanba mudansa klimátika (bailoron naruk), nune’e husu ba Ministériu Argrikultura no Peska (MAP) atu fó atensaun.

“Husi inísiu fulan Janeiru to’o Jullu tinan 2020 ne’e, komunidade suku Fatulia enfrenta ba ai-han, tanba mudansa klimatika (tempu bailoron naruk), komunidade lahalo to’os no natar”, Xefe suku Fatulia, Angelo Moises Pereira, ba Naunil Media, bainhira hasoru malu iha Largo Lecidere, foin lalais.   

Autoridade suku Fatulia, Angelo, hatutan mudansa klímatika (bailoron naruk) lori problema hamlaha ba komunidade sira, maske populasaun maioria pursentu 90 (%) moris nu’udar vida agrikultór.

“Ha’u husu ba  parte kompotente ne’ebe tuleta, liu-liu Ministeériu Agrikultura no Peska, atu dipunível apoia fini ba ami, nune’e komunidade bele kuda fali iha sira nian to’os no natar iha tempu udan monu rai”, xefe suku ne’e husu.

Suku Fatulia pertense ba postu administrativu Venilale no Munisípiu Baucau. Fatulia iha nia aldeia haat, Baha-Dato, Uaito-Boar, Uatulia-Ana no Osso-Uaque ho totál uma-kain 788 no populasaun hamutuk 2.672. Vit

Leave a Reply

Your email address will not be published.