Postu Lima Iha Munisipiu Manufahi Laiha Mediku
Naunil Media (Dili), Postu Administrativu Lima (5), Iha Munisipiu Manufahi kompostu husi, Oeberek, Alas, Foholau Tiricai, Bubulau Tutuluru, Ailora Alas, Laiha Mediku hodi atende pasiente sira.
Diretor Servis Saude Munisipal, Munisipiu Manufahi, Florencia Corte Real Tilman, hateten, Iha munisipiu Manufahi iha Sentru Saude internamentu Ida maternidade ha’at no Postu da Saude iha 23, Maibe Postu Saude Lima mak dadaun ne’e mediku laiha.
” Munisipiu Manufahi iha Postu Saude Lima hanesa, Postu Saude Oeberek Alas, Foholau turiskai, Bubulau Tutuluru, Maerotutu Datina nomos Ailora Alas, laiha mediku hodi atende komunidade. Tanba karik bainhira aloka mediku ida ba Postu Saude refere entaun enfermeiru ou parteira laiha tanba menus rekursus umanus”
Preokupasaun ne’e Diretora Saude Manufahi, Florensia Corte Real hato’o iha serimonia entrega kareta iha salaun Madre FMA comoro, Segunda (13/12).
Nia haktuir, Foin dadaun Ministeriu Saude (MS) halo rekrutamentu internatu ba iha manufahi maibe barak-liu Saude publika.
” Maibe ita hatene katak Saude publiku ne’e so ba halo promosaun maibe ida atu atende direitamente no fo asitente ba pasiente ne’e so infermeiru parteira no mediku”. Kestiona Diretora ne’e.
Nune’e enfeirmeiru mak halo antendimentu ou lae parteira, hirak ne’e mak sai preokupasaun ba Munisipiu manufahi nian.
Enkuantu planu Saude Munisipiu manufahi nian atu halo ospital referal tanba iha 2017 husi saude manufahi nian prepara rekursus nain lima, Ne’ebe Haruka ba hasai espesialidade iha Kuba no Agora dadaun sira hala’o servisu iha Hospital Nasional Guidu Valedares (HNGV).
Espera tinan oin 2022 bainhira ospital manufahi halo ona husu husu mediku espesializadu sira bele fila-fali ba Munisipiu hodi halo atendimentu.
Husu ba MS tinan oin bele loke rekrutamentu mediku, infermeiru no parteiru atu bele koloka ba iha Postu sira ne’ebe mak iha ona.
Dadaun ne’e total pesoal saude hamutuk 200 ital, Mediku hamutuk nain 32, Infermeiru iha ema nain 28, no parteira iha nain 26. LTS
