Grupu Joventude Baguia Inisiativa Hodi Hakiak Manu Lokal
Naunil Media (Baguia),Grupu Hakbiit Juventude Haekoni ( HJH) iha aldeia Batata ,Suku Haekoni Postu Administrativu Baguia Munisípiu Baucau ho inisiativa rasik hodi halibur joven no katuas sira hakiak manu lokal.
Xefí Grupu Apolinário António de Oliveira hateten, Inisiativa ne’e mai husi joven sira, oinsa atu kria grupu hodi haki’ak manu lokál hodi sustenta ba an no nesesidade família.
” To’o ohin loron manu aumenta ba bebeik agora iha ne’e to’oona 30 resin, tanba balun ema presiza mai ami faan, osan rai depois to’o fulan ami hotu deside mak fahe”, dehan xefí grupu ba jornalista sira iha nia knar fatin, Baguia foin lalais ne’e.
Nia hafirma, Ami hahú grupu iha tinan 2018, hodi tuur hamutuk suporta fundu sira deside halo fatin, hodi sosa manu inan lima no aman haat tau halo uma ba hakiak manu hamutuk sia to’o agora .
husi Embaixada Austrália prepara manu local ajuda ami ho fundo liu husi Fundasaun Mosan ida hasai osan hamutuk atus $ 400 sosa manu, dehan nia.
To’o oras ne’e, manu ne’ebé sira hakiak balun sira faan bainhira ema presiza no osan ne’ebé sira hetan rai hamutuk to’o fulan ida mak fahe .
Iha 2019 grupu ne’e rasik halibur tan joven sira ne’ebé iha vontade atu hakiak manu kria tan grupu rua no totál daudaun ne’e iha membru hamutuk 15, hakotu nia. Ana
