CNRT Konsidera Pedidu Levantamentu FP Urjénsia
Naunil Media (Díli), Xefe Bankada Parlamentár Congresso Nacionál de Reconstrução de Timor (CNRT), Duarte Nunes, hateten CNRT konsidera pedidu levantamentu ba fundu petrolíferu (FP) ne’e urjénsia tanba atu sustenta mákina estadu nian.
Enkuantu proposta alterasaun ba lei orsamentu jestaun finanseira la’os urjénsia, tanba ne’e nia tempu diskusaun la’ós agora maibe CNRT prefere mud aba iha tempu situasaun normál.
Prezidenti Bankada CNRT, Duarte Nunes, ba jornalista sira iha resintu Uma Fukun, Tersa (24/03).
“Proposta ne’e la hanesan pedidu osan, tamba osan presiza agora ne’e mak ami hanoin ne’e urjénsia. Ida hadia lei ne’e bele dada tempu ikus, ne’e la iha buat ida. Nesesidade nasaun nian importante tamba atualmente nasaun iha situasaun emerjensia nia laran presija responde lalais”, hateten Xefe Bankada CNRT, Duarte.
Deputadu Duarte, afirma “nesesidade urjenti agora atu aprova osan, ita buka osan ona para governu servisu dadaun ona, tamba ne’e mak ami ejije hodi iha osan para atende situasaun ne’ebé akontese iha rai laran”.
“Pedidu levantamentu urjénsia fundu petroliferu ne’e horseik (Segunda 23/03) to’o ona mai parlamentu nasionál no ohin kontinua baixa ba komisaun C trata asuntu finansa publiku iha parlamentu nasionál, halo relatoriu paraser hodi deskuti no halo aprovasaun iha plenária”, haktuir nia.
Antes ne’e governu aprejenta ona proposta alterasaun lei orsamentu jestaun finanseiru (OJF) ba parlamentu nasionál iha loron 18 fulan Marsu ne’e, iha loron 19 fulan marsu despaixa kedas ba komisaun C ne’ebé trata asuntu finansa publiku iha parlamentu nasionál halo atu halo pareser hodi kontinua halo diskusaun.
Maibé la konsege halo votasaun ba jeneralidade tamba eletrisidade mate, adia ba Tersa (24/03) ne’e, maibé la realiza tamba membru parlamentu nasionál no prezidenti parlamentu nasionál Arão Noe de Jesus da Costa Amaral tuir diskusaun rezolusaun governu nian, estadu emerjénsia iha Palasiu Prezidensiál Bairro Pité. Uar
