Governu Sei Oferese Pulsa Prepagu Fulan Ida Nian Ba Kliente Sira Liuhosi Telemóvel
Naunil Media (Díli), Ministru Obras Publiko (MOP), Salvador Pires, hateten tekniku Eletrisidade de Timor-Leste (EDTL) kordena ona ho operadór tolu iha Timor-Leste sei haruka númeru prepagu liuhosi númeru telefone kada uma kain iha teritoriu laran.
Ministru Obras Publiko, Salvador Pires, ba jornalista sira hafoin partisipa reuniaun Konsellu Ministru iha Centro de Convenções de Díli (CCD), Kuarta (01/04).
“Segunda ne’e ami deskute ona, ténkniku sira koalia tiha ona ho operadór tolu hanesan Timor Telekom, Telekomsel no Telemor. Sira sei estabelese hotline ida depois hot line ne’e ita nia kliente sira sei hetan mensajen númeru rejistu iha prepagu ne’e ho automatikamente, sira simu pulsa eletrisidade $15 dolar liuhosi númeru telemovel sira hatama deit ba prepagu iha uma”, informa Salvador.
Governante ne’e hatutan, maneira ne’ebé ekipa tékniku EDTL halo ne’e intensaun atu hamenus, movimentu kliente eletrisidade sira labele to’o mai fatin fa’an pulsa eletrisidade, tamba atu prevene corona virus (COVID-19) no halo tuir regras estadu emerjénsia.
“Nia intensaun atu kontribui ba hamenus propagasaun moras covid-19 ne’ebe agora dadaun ita hasoru, hodi nune’e komunidade labele sai no kumpri estadu emerjénsia ne’e hodi hamenus ita nia movimentasaun hamutuk iha fatin ida”, dehan governante ne’e.
Tuir Nia, bazeia ba dekretu estadu emerjénsia durante loron 30, tamba ne’e ekipa tékniku sura tuir fulan ida, tarefa ba kliente selu eletrisidade 2.4 miloens ne’e fó gratuita ba komunidade sira durante fulan ida. Uar
