SECOMS Vizita Grupu Joventude HAKARAK BUKA RASIK iha Vatu-Vou, Liquiça

Naunil Media (Liquiça), Sesta (10/3) ne’e Sekretáriu Estadu Komunikasaun Sosial (SECOMS-Sigla Português), Merício Juvinal dos Reis “Akara”, halo vizita ba suku Vatu-vou, Munisípiu Liquiça hodi observa grupu Joventude HAKARAK BUKA RASIK ne’ebé durante ne’e halo servisu ba area agrikultura.    

Durante vizita membru Governu konstitusional da-ualu, Merício Akara rona preokupasaun no defikuldade ne’ebe Grupu joventude ne’e infrenta.

Koordenador Grupu HAKARAK BUKA RASIK, Oldegar Coreia Santos konsidera vizita SECOMS núdar parte ida bele inspira joventude sira hodi kontinua hala’o aktividade no bele hetan produtividade diak.

“Ami mesak joven deit no ami ho hanoin no vontade rasik hodi hamosu ideia ida oinsa bele kria servisu rasik iha area Agrikultur”, informa Koordenador Grupu HAKARAK BUKA RASIK ne’e.

Nia haktuir, durante ne’e sira utiliza de’it ekipamentus manual hodi hala’o servisu núdar grupu ida foun.

“dadaun ne’e, kuda ona mostarda, foremunggu, kankung, forerai no tuir planus sei kuda tan baria, brinjela no tomate.

“Ita mos hare ba klima agora ne’e, tanba ami iha planu atu kuda tan Produtu  sita ne’e, oinsa bele benefisia ba ami, dehan nia.

Koordenador grupu ne’e husu apoiu fini ba governu liu hosi Ministériu Agrikultura, tanba durante ne’e sira sosa de’it fini.

Hatan ba preokupasaun sira husi Grupu Joventude refere, líder jerasaun kontinuador, Merício Akara, hateteten laos promete ba maibe husu atu hatama lista ba SECOMS  hodi buka dalan hodi bele hetan apoiu husi instituisaun ne’ebé tutela no kompetente.

“la promete maibe imi halo lista ba depois identifika saida mak imi presija, tanba hau hare inisiativa ne’e  iha ona, entaun presiza suporta imi halo lista mai mak ita buka solusaun”, sujere SECOMS

Grupo Joventude refere dadaun  ne’e  akumula ona joventude  hamutuk na’in 20 resin hodi hala’o  atividade sira lor-loron. Ana