V-MS Ho Lideres Relijiozu halo advokasia Ba Prevensaun No Imunizasaun Rutina Ba Labarik Iha TL
Naunil Media (Dilí), Kuarta (9/03) vise ministro saúde (V-MS) Bonifácio Mau coli dos Reis Partisipa iha Enkontru Advokasia ho líder relijiozu sira, ho objetivu kona ba prevensaun ho vasinasaun covid-19 no mos halo imunizasaun Rutina ba labarik sira iha Timor leste.
Programa Vasina imunizasaun Rutina Ne’ebe Mak atu íntegra Ba iha Komunidade no Liu husi Sarani Sira Atu Nune’e Sira bele Partisipa Maximu iha Fasilidade Saúde atu bele Hetan Vasina imunizasaun Rutina ba labarik Sira.
Enkuantu daudaun Ne’e ekipa Saúde sira esforsu hela vasina ba labarik sira hodi kombate moras Sira ne’ebe Mak hánesan pixivil, Saranpu,no rubell. Aleinde ne’e mos halo distribuisaun ho ai-moruk Vitamina A, Albendazole Ne’ebe Mak durante ne’e ministeriu saude halo Ona hodi atinje nia pursentu hamutuk 103 % no programa Kobertura refere kuaje Hala’o Ona iha Munisipiu walu ( 8).
“Vasina Agora Dadaun La’o hela maka Vasina pixivil, Saranpu, Rubella, Distribuisaun Vitamina A Distribuisaun Aimoruk Albendazole ne’ebe maka halo ona Ba iha Território laran Tomak di’ak teb-tebes kuaze Munisipiu walu (8) ne’ebe maka Liu ona 103% ital ba iha Vasina Distribuisaun Kampana Nasional Vasina Ita mos hakarak Vasina imunizasaun Rutina atu Nune’e Komunidade No labarik Sira mos sente Hetan Ona Vasina”, dehan v-ms Bonifácio Maukoli dos reis ba jornalista sira bainhira Partisipa iha Enkontru advokasia ho líder relijiozu Sira iha salaun arquidioseze Dili bidau.
Nia haktuir , MS seidauk simu informasaun ruma husi organizasaun Mundial da saúde (OMS) katak seidauk anunsiu informasaun kona-ba livre Ona husi pandemia covid-19 maske Timor leste daudaun ne’e la kumpre ona medidas extasionamentu maibe dever ministério saúde nian nafatin halo kobertura informasau ba sidadaun sira iha Timor leste atu kumpre nafatin regras ou medidas preventivas nian iha país Timor leste.
Entretantu Bigariu paroquia Kategral Dili , Padre João Soares mos akresenta tan, Kooperasaun husi Ministeriu Saúde ho uma Kreda parte possitivu Bo’ot ida, Para atu Nune’e Bele tulun sarani sira no vasiansaun rutina ba Labarik sira, Liu husi Kooperasaun desde Uluk Bainhira simu informasaun Husi Ministeriu Saúde maibe uma kreda sira mos kada Paróquia ho Instituisaun Relijioza sira Departamentu Dioseze nian iha Kazu foin sae sira ne’e Sempre Atualiza informasaun hirak Ne’e. MJ1
