Covid-19: Kazu Foun Na’in-13, Rekupera Na’in-Ida

Naunil Media (Díli), Portavoz Kordenadór Forsa-Tarefa ba Mitigasaun Surtu Covid-19, Rui Maria de Araújo, informa  ekipa Sala Situasaun Sentru-Integraddu Jestaun Kreize (SS-CIGC- sigla Portugés)   Covid-19 kazu pozitivu foun rejista na’in-13, rekupera na’in-ida, kazu ativu baixa hamutuk 119.

Portavoz Kordenadór Forsa-Tarefa ba Mitigasaun Surtu Covid-19, Rui Maria de Araújo ba jornalista sira liuhusi zoom, kinta (18/03).

“Dadus jerál Covid-19 kazu foun ohin 13, kazu rekuperadu 1 no kazu ativu 119. Kazu na’in 13 ohin, iha mane na’in 9, feto nain 4.  Idade entre tinan 11-12 ema 2, idade entre tinan 18-50  ni’an 11. Sintomátiku nain 3, no asintomátiku ka la hatudu sintomas, nain 10”, dehan Dr. Rui.

Dr. Rui hatutan, Testes PCR ne’ebé hala’o hahú Janeiru  2021 mai to’o horiseik, 17 Marsu 2021, hamutuk hotu 16,959. Iha Fulan Janeiru hala’o 2,567 testes PCR, fulan Fevereiru 6,390, husi 1 de Marsu to’o 17  Marsu hala’o ona 8002 testes no Husi horiseik mai ohin halo 233 testes.

Eis Primeiru Ministru Rui relata, Surtu Covid-19 iha munisípiu Díli Husi kazu foun iha leten, nain 12 iha Munisipiu Díli kazu pozitivu 2, hetan kontajiu husi profisionál saúde husi cluster Aldeia 05 ho cluster Aldeia São Miguel, Suku Comoro, iha iha HNGV, unidade hemodiálize,  Kazu pozitivu 6, husi Aldeia Avansa, Suku Bairro Pite, Postu Administrativu Dom Aleixo. Pozitivu rua ne’e kontaktu- besik ho kazu pozitivu iha cluster hanesan, ne’ebé anunsía iha dia 16 de Marsu.

Iha Kazu pozitivu 1 iha Aldeia Metin 3, Suku Bebonuk, Postu Administrativu Dpm Aleixo. Kazu ne’e ba aprezenta-an iha HNGV hakarak tes tamba deskonfia iha kontaktu-besik ho kazu iha Bebonuk, kazu pozitivu 2 iha Aldeia Lirio, Suku Motael, Postu Administrativu Vera Cruz.

Kazu ne’e aprezenta-an iha HNGV hakarak tes tamba deskonfia iha kontaktu- besik ho kazu iha Bebonuk no Kazu pozitivu 1 iha Aldeia Maucocomate, Suco Becora, Posto Administrativo Cristo Rei. Kazu pozitivu ida ne’e kontaktu iha servisu fatin ho kazu ida iha cluster Aldeia Mate Restu, Suku Vila-Verde

Dr. Rui hateten,  kazu detetadu ka pozitivu iha Munisípiu Díli husi loron 7 Marsu to’o ohin  hamutuk  95. Ho baze ba informasaun foun ne’ebé ekipa konjunta saúde nian rekolle, foku/cluster kazu pozitivu iha Díli.

“Kazu detetadu 95 iha Dili ne’e, fahe ba cluster 27, namkari iha instituisaun 4, eventu 1 & Suku 8, & fatin kuarentena 1, iha Postu Administrativu D. Aleixo, Vera Kruz ho Kristu Rei”, Dr. Rui realsa.

Nia  informa, nafatin ba públiku katak diresaun HNGV hola ona medidas hodi tau iha kuarentena kolega servisu sira iha unidade hemodiálize, halo dezinfesaun, no buka-tuir kontaktu besik husi kazu ne’ebé pozitivu. Servisus iha HNGV la’o hanesan baibain.

“Surtu Covid-19 iha munisípiu Vikeke ohin iha kazu foun 1 Hamutuk hotu Munsisípiu Vikeke iha kazu konfirmadu na’in-3. Kazu foun ne’e profisionál saúde halo kursu pós-laboral iha UNTL, fila husi Díli ba Vikeke iha loron  8  Marsu”. tenik Rui.

 Koodernador ne’e apela ba populasaun Timor-Leste tomak, liu-liu iha Munisípiu Díli, Baukau no Vikeke  atu nafatin hakmatek. Maski kazu konfirmadu aumenta ba beibeik, no naklekar   ba Munisípiu Baukau no  Vikeke, husu nafatin matan-moris neon nain, lalika sé tilun ba lia-anin ka rumores, pratíka nafatin medida  prevensaun covid-19. vit