UE-Plan Internasional ho AHDMTL lansa projetu “Ba Futuru Ne’ebe Inkluzivu no Seguru”
Naunil Media (Díli), Kinta (9/3/23) ne’e Uniaun Europia (UE) no ONG Plan Intrenasional iha Timor-Leste hamutuk ho Asosiasaun Halibur Defisensia Matan Timor-Leste (AHDMTL) lansa projetu foun Ba Futuru ne’ebe Inkluzivu no Seguru.
projetu foun Ba Futuru ne’ebe Inkluzivu no Seguru ONG Plan Internasional iha TL hamutuk ho AHDTL mak sei implementa, atu apoia ema ho defisiensia sira no LGBTQ no feto foinsa’e iha munisípiu 13 ho objetivu ba atu goza sira nia direitu tomak social no ekonómiku.
Emaixador Uniaun Europia iha Timor-Leste, Marc Fiedrich, informa projetu foun refere foka liu ba area sira mak hanesan, ajuda hodi promove igualidade,inkluzaun no respeitu ba diversidade ba ema hotu liu-liu ema ho defisensia no LGBTQ+, Kombate estigmatizasaun, diskriminasaun no violensia hasoru grupu sira ne’e.
Daruak, tulun defende direitus umanus hotu-hotu ne’ebe esensial ba dignidade umanu ne’ebe inklui responde ba sosidade baziku sira ba Edukasaun no formasaun profisional no promove kondisaun servisu ba ema defisente no LGBTQL+ no hametin protesaun legal ba grupu alvu sira liu husi advokasia hodi hametin lejizlasaun nia sensibilidade ba ema ho defisensia no LGBTQ+.
Tuir Diplomata Uniaun Europeia ne’e, ema ho defisiensia iha Timor-Leste hasoru obstakulu oin-oin, ida mak menus kompriensaun kona-ba defisiensia husi sosidade sira, iha ne’ebe bele lori stigma no diskriminasau no obstakulu seluk tan mak asesu ba kuida saude, Edukasaun no oportunidade empregu.
Iha fatin hanesan Diretor AHDMTL, Gabriel Ponciano de Sousa, konsidere projetu ne’e importante bele mutiva difisiensia sira no hodi influnsia ba komunidade sira labele halo diskriminasaun ba ema ho difisente no LGBTQ.
Fundus mai husi Uniaun Europeia no projetu ne’e sei halao durasaun fulan 30 no sei implamentu iha Munisipiu Díli, Ainaro no Ermera, projetu ne’e sei servisu hamotuk ho sentru formasaun profisional no rede sira ne’ebe eziste iha area violasaun bazeia ba jeneru, protesaun labarik saude seksual no reprodutivu no direitu.MJ3
