Vitima Dezastre Naturais Rihun-25 iha Díli, Rihun-8 Hetan Apoiu Husi-SEPS
Naunil Media(Díli), Diretór Jerál Sekeretáriu Estadu Protesaun Sivil (SEPS-Sigla portuges), Esmael Babo, Informa refuziadu rihun 25 iha Munisípiu Díli, no husi númeru ne’e protesaun sivil apoiu ona ema rihun 8.
“vitima dezastre naturais rihun 25 iha munisípiu Díli,no husi númeru ne’e protesaun sivil konsege halo ona apoiu ona ema rihun 8 ona, signifika maioria seidauk hetan apoiu, ne’ebé agora halo hela jestaun “, Informa Diretór Jerál Sekretáriu Estadu Protesaun Sivil Esmael Babo ba jornalista Sira iha Aeroportu Comoro, Sabadu (08/05).
Nia hatuan, tuir dadus ne’ebé mak rezistu iha ekipa liña terenu no foti ona dadus ne’ebé fasilita husi autoridade lokal, xefe aldeia, xefe suku no mós xefe bairu sira iha territoriu nasionál Timor-Leste hamutuk xefe familia rihun 38.
“Rihun 8 ne’e iha Díli husi Tasi-Tolu suku hanesan Madohi, Becora, Balide balun fó ona, maibé balun dadus duplikadu halo fali revisaun identifikasaun didi’ak mak halo apoiu ezemplu hanesa iha Tasi-Tolu aldeia 12 de Outubru fahe ba dala rua primeru fahe tiha Segundu ba tan fahe lista dupla maske ema rihun rua resin iha adeia 12 de Outubru”, Tenik nia.
Nia dehan, ami sei halo verifikasaun didiak depois halo distribuisaun, hanesan mos ba fatin Sira seluk maske Laos iha Dili maibe iha teritoriu nasional tomak ne’ebe Mak afeta husi dezastre naturais
Nia esplika, simu informasaun, alerta husi nasoens unidas mós meterolojia katak fenomena lamina ne’e sei akontese iha tinan 2021 to’o fulan Maiu tinan ida ne’e planu konduzensia, estratejia ne’ebé mak protesaun sivil halo iha momentu halo restok armajen iha munisipiu Sira hotu.
Nia dehan, momentu simu alerta SEPS halo kordenasaun pedidu ofisial ba Prezidenti CLN liu husi ministeru kordenador ekonomiku disponivel foos 10 tonelada ba protesaun sivil atu prepara ba dezastre naturais ne’e bele dehan katatak sei sufisiente. Ipe
