Uniaun Europeia Apoiu Projetu Hakbiit Ekonomia Feto TL
Uniaun Europeia Apoiu Projetu Hakbiit Feto TL
Naunil Media (Díli), Embaizadór Uniaun Europeia iha Timor-Leste Andrew Jacobs, Hateten apoiu projetu hakbiit feto atu sosiál no ekonomia haforsa feto sira iha Timor Leste.
“Hakbiit feto ne’e projetu foun ida-ne’ebé finansiadu husi Uniaun Europeia, no implementa husi Adventist Development and Relief Agency (ADRA) iha kolaborasaun ho Rede Feto no Kooperasaun Austríaka ba Dezenvolvimentu (ADC), ho objetivu atu fortalese Organizasaun Sosiedade Sivíl Timor Oan nian (OSS) atu bele halao operasaun ho efikas hodi apoia dezenvolvimentu no empoderamentu sosial no ekonomika feto sira nian ”, Informa Embaizadór Uniaun Europeia iha ba Timor-Leste Andrew Jacobs liu husi komunikadu ne’ebé mak Naunil media asesu husi media redi feto, sabadu (09/05).
Nia hatutan, Igualdade entre feto no mane ne’e katak feto no mane sira sai hanesan prinsípiu fundamental ida ba Uniaun Europeia. Ida husi sira nia objetivu prinsipa sira mak asegura igualdade, no ida ne’eee hanesan batalla importante ida ne’ebé presiza luta hasoru, tantu iha Uniaun Europeia laran ou fora husi Uniaun Europeia.
“Uniaun Europeia apoiu feto Timor-leste akbiit Feto sei kontribui hodi hasae respeitu ba direitu fundamental umanu nian liuhusi apoia no haforsa papel feto sira nian nu’udar ajente xave ba dezenvolvimentu sustentavel no mudansa, liuliu feto hirak ne’ebé vulneravel liu. Inisiativa ida-ne’e formalmente hahu iha dia 01 de Marsu de 2021, ho objetivu atu promove inkluzaun sosial no kria oportunidade ekonomiku ba feto sira iha Timor-Leste no atu haforsa kapasidade organizasaun sosiedade sivíl lokál (OSS) sira hodi halao operasaun ho efikas”, Tenik nia.
Nia dehan, komunikadu imprensa ida-ne’e aprezenta hanesan truka ida ba lansamentu ofisial ida hodi hasoru-malu oin ho oin tanba atualmente iha hela restrisaun ba COVID-19 iha Dili. Ho doasaun ida husi Uniaun Europeia ho totál USD 869.565 no kontribuisaun husi Kooperasaun Austríaka ba Dezenvolvimentu (ADC) ho totál USD38.587, ADRA ho Rede Feto servisu hamutuk atu implementa projetu ho durasaun tinan 4 iha munisípiu haat mak hanesan: Ainaro, Bobonaro, Baucau no Dili.
Prezidente Redi Feto Zelia Fernandes, hateten redi feto iha Kompromisiu forte hodi implementa Projetu ne’e. “Rede Feto Timor-Leste iha kompromisu forte hodi implementa projetu foun ida;ne’e no ami iha konfiansa ba parseiru sira ne’e hotu. Ami agradese ba Uniaun Europeia liuhusi ADRA Timor-Leste ba sira-nia konfiansa atu serbisu hamutuk ho Rede Feto iha Projetu Habiit Feto,” hateten Zelia Fernandes, Prezidente Konsellu Rede Feto Timor-Leste. Nune’e mós Marcel Wagner, Country Director ADRA Austria hatutan Feto sira partikularmente sei hetan esperiensia efeitu pozitivu sira husi sira-nia inisiativa ne’e liu husi iha kbiit atu bele tama merkadu hirak ne’ebé antes ne’e taka ba sira no hetan rendimentu ida ne’e. #*Jos
