Derota Kontra Lalenok United FC, Romão Konsidera Esperiénsia Foun
Naunil Media (Ermera), Ekipa AS Marca derota kontra ekipa Lalenok United FC ho score 6-0, jogu oitavu finais Copa FFTL, treinador AS Marca, Romão Guterres simu realidade no konsidera hanesan esperiénsia foun.
“Ami hatene ami nia aan, katak ami ekipa promovidu hasoru ekipa zigante iha Timor, tanba ne’e mak hakarak ka lakohi mós tenke simu realidade no esperiénsia foun ba ami”, Treinador AS Marca, Romão Guterres, ba jornalista sira iha Estadion Cafe de Ermera, kinta (15/10).
Romão rekuiñese ekipa ne’ebe nia lidera failla parte defeza direta, nune’e Lalenok aproveita marka golu, molok primeira parte termina Lalenok aproveita tan defeza sentrál ne’ebé halo eru no Lalenok aproveita hodi marka tan golu.
Nia hatutan, golu Lalenok United FC sira akontese iha segunda parte, tanba sira nia rezisténsia mós tun, lalenok hatudu duni sira nia kualidade jogu hodi fo presaun maka’as ba AS Marca hafoin monu iha linña defeza
Ikus, Nia dehan, ba oin ekipa AS Marca tenke hadi’ak aan, liu-liu ba linña kotuk no linña oin mós, tanba ekipa promovidu hasoru ekipa zigante sira presiza jogador ne’ebé ho esperiénsia di’ak. Dvo
