Festa Golu ba AS Marca, Lalenok United FC Susesu Hakat Quarto Finais
Naunil Media (Ermera), Ekipa zigante Lalenok United FC susesu hakat uluk ba faze Quarto Finais Copa FFTL hafoin festeza golu ba rede AS Marca ho score 6-0, iha Estadion Munisipal Cafe de Ermera, Kinta (15/10).
Parte dahuluk ekipa rua hotu hatudu jogu furak iha kampu hodi atrai adeptu sira sira. Tama minutu 11, Lalenok United lidera kedas ho eskor 1-0 hafoin jogador, Elias Mesquita susesu fura rede AS Marca.
Minutu 45+1 Hermenio de sousa marka tan golu ida hodi hatuur score 2-0 to’o termina jogu parte dahuluk.
Parte daruak nian, ekipa zigante Lalenok United hasa’e liu-tan ritmu jogu nian, nune’e minutu 62 Lalenok United marka tan golu ida hodi muda score ba 3-0.
Minutu 76 Daniel Adade marka tan golu ida hodi haboot liu-tan score ba 4-0
Golu dalima husi Lalenok United akontese husi jogador Paulo Gali iha minutu 87.
Festa golu Lalenok United ne’e taka husi jogador Elias Mesquita iha minutu 90 no muda score ba 6-0. Jogador ho númeru kamizola 10 ne’e marka golu liu husi suta penalidade.
Vitória ne’e lori ekipa zigante Lalenok United hakat uluk ba semi final, enkuantu AS Marca tenki elimina husi Copa FFTL 2020 tanba jogu oitavu final ne’e ho sistema bota fora ka lakon sai. Dvo
