Membru F-FDTL Nain-52 Remata Kursu ba Diviza Kabu
Naunil Media (Díli), Membru FALINTIL-FDTL hamutuk nain-52 remata formasaun ba diviza kabu hafoin partisipa programa kursu durante fulan ida resin, iha Kuartel Komandu Nicolau Lobato, Metinaru.
Komandate Komponente Formasaun e Terenu, Koronel Infantaria Cesario Salustiano Marsal Ximenes ‘Haksolok’, hateten membru sira sei implementa matenek ne’ebe iha tuir kada komponente.
“Durante sira (membru FALINTIL-FDTL) fulan ida ho balun mai iha ami-nia komponente, e prinsipalmente Komponente Formasaun e Terenu hodi frekuenta materia, prinsipalmente atu ba komandante eskuadra ninian, no sira ne’ebe remata krsu ne’e promove ba kabu” Komandate Komponente Formasaun e Terenu, Koronel Infantaria Cesario Salustiano Marsal Ximenes ‘Haksolok’, ba jornalista sira iha Kuartel Komandu Nicolau Lobato, Metinaru, Sesta (16/10).
Koronel Infantaria Cesario Salustiano Marsal Ximenes ‘Haksolok’, esplika “Kabu nian devér mak saida ?, Kabu nian devér mak sai adjuntu ba komandante eskuadra ninian (Serjentu ka Segundu Serjentu)”.
Nia afirma, funsaun husi diviza ne’ebe tula ba membru sira ne’e fahe dala ida, tanba ne’e hanesan louva maibe tenki asegura no hakonu ho responsabilidade.
Tuir planu programa kursu ne’e sei kontinua iha futuru, maibe depende mos ba orsamentu.
Membru FALINTIL-FDTL nain-52 kompostu husi komponente terestre nain-tolu, komponente Naval nain-25, komponente Aero nain-23 no kompnonente Polisia Militar nain-ida . Emj5
