Setembru 2020, Postu Saúde Same Rezista Kazu Diarea 300

Fahe Tutan

Naunil Media (Manufahi), Reprezentante Saúde Munisipiu Manufahi, Orlando Martins, hateten durante fulan Setembru tinan 2020 ne’e, rejista kazu moras diarea (teen been) hamutuk atus tolu (300).

“Postu same rezista ona moras diarea hamotuk atus tolu (300), ne’ebe mak akontese iha fulan setembru nia laran”, Reprezentante Saúde Munisipiu Manufahi, Orlando Martins, informa liu husi nia deskursu, inagurasaun ba sanitasaun iha Eskola Ensinu Baziku Filial Kablaque, Kuarta (14/10).

Tuir Nia moras diarea ka tee been ne’e akontese tanba haan la fase liman no soe foer boot arbiru, liu-liu ba labarik ki’ik sira.

“Ha’u fiar, liu husi inagurasaun sanitasaun bele fó atensaun mai ita katak saúde ne’e inportante ba labarik ki’ik, dalaruma moras diarea akontese sempre fo impaktu ba sira nia saúde, tanba ne’e husu ba professor no inan-aman sira tenke tau atensaun máximu ba oan sira nian saude”, dehan Nia.

Nia husu ba inan-aman sira atu uza sanitasaun hodi labele soe foer arbiru , tanba impaktu ba saúde ema-nian. Nfm

Leave a Reply

Your email address will not be published.