FRETILIN ho PLP Loke Dalan Harii Governu Da-Sia (IX)

Fahe Tutan

Naunil Media (Díli), Frente Revolusionaria do  Timor-Leste Independente (FRETILIN) ho partidu Libertasaun Popular (PLP) hala’o deklarasaun konjunta hodi kompromete loke dalan ba formasaun governu Da-Sia (IX) atu lori Timor-Leste bele sai hosi impase politiku

Dekalarasaun konjunta polítiku paridu rua (FRETILIN-PLP) nia hala’o iha Hotel Timor, Sabado (21/03).

“PLP ho FRETILIN atu loke án kontribui hariii nasaun ida foun, nasaun ida unida no atu bele sai hosi impasse polítiku. Jenerál Taur Matan Ruak ho ami sei asina deklarasaun ida la’os atu halo aliansa founm, maibe atu define pplataforma entedementu ida loke án halibur ema hotu-hotu iha rai ida ne’e, hamutuk atu manan impasse polítiku ida ne’e” afirma Sekretáriu Jerál FRETILIN Marí Alkatiri iha Hotel Timor.

Sekretáriu Jerál FRETILIN, Marí Alkatiri hatutan, partidu rua nia hamutuk mos atu hahu luta ba manan corona virus, tanba ne’e autoridade fó sai timor oan hotu halo tuir oinsa atu salva uluk povu ida ne’e hafoin haree fali situasaun sira seluk.

Prezidente Partidu Libertasaun Popular, Taur Matan Ruak, hateten PLP prontu servisu hamutuk hodi fó solusaun ba problema sira iha rai-laran.

“PLP prontu servisu hamutuk hodi loke dalan, loke oportunidade hodi ajuda buka solusaun saida de’it mak Prezidente Repúblika sei deside. PLP prontu fó ninia kontribuisaun, ita nia nasaun hasoru situasaun rua que grave, ida mak dezastre naturál (inundasaun) no corona virus. Situasaun rua ne’e ejije ita atu foti medida urjente. Ida ne’e akontese, parlamentu nasionál asume fila fali ninia responsabilidade no fó apoiu ba governu ne’ebé deit, sá tan iha momentu orsamentu estadu laiha”, hateten Taur eis gerileiru Taur Matan Ruak.

Tuir Prezidente PLP no atual Primeiru Ministru ne’e katak, Timor-Leste labele hein no labele lakon tempu tanba tempu oituan de’it.

“Hau agradese ba kooperasaun hotu ne’ebé iha no hakarak garante ba Sekretáriu Jerál Fretilin, Marí katak PLP prontu koopera ho ita bo’ot no partidu FRETILIN para buka solusaun ba problema hodi hakotu povu ninian sofrementu no haforsa ita nian án kombate corona virus, naturalmente Timor-Leste mos lases hosi situasaun ne’e” dehan Taur Matan Rauk.

Asina deklarasaun konjunta politiku ne’e partisipa hosi kudru sira partidu FRETILIN no PLP, enkuantu kuadru partidu seluk ne’ebe partisipa mak mai hosi KHUNTO no PD. Ana

Leave a Reply

Your email address will not be published.