Governu Sei Foti Medida Urjente Hasoru COVID-19, TMR Sei Aprezenta Pedidu Estadu Emerjénsia Ba PR Lú Olo

Fahe Tutan

Naunil Media (Díli), Primeriu Ministru (PM),Taur Matan Ruak, sei foti medida rápida ho Urjente ba corona virus covid-19, tanba iha Timor-Leste deteta ona kazu refere.

“Primeria vez ita deteta infetada corona virus (COVID-19) iha ita rai ne’e, iha situasaun rua ejize ita tomak foti medida rápida ho urjente ida ne’e”, deklara PM nu’udar mos prezidente Partidu Libertasaun Popular (PLP), Taur Matan Ruak ba jornalista sira hafoin asina deklarasaun konjuntu ba konjuntura polítika foun entre PLP ho FRETILIN iha Hotel Timor, Sábadu (21/03).

PM Taur hatutan, ho situasaun raii laran nian liliu corona virus ho inundasaun, parlamentu Nasionál asume fila fali ninian reponsabilidade no fó apoiu ba governu iha momentu Orsamentu Jerál Estadu la iha.

“Naturalmente servisu la para iha ne’e deit, se ita haree esperiensia ba nasaun seluk nian lori fulan haat ka lima, naturalmente ita preparadu hodi enfrenta situasaun ida ne’e. Governu foun ne’ebe mai sei la halo buat foun, máibe hadia hatutan ho haburas liu tan buat ne’ebe maka VIII governu halo ona”, hateten Matan Ruak.  

Xefe oitavo governu ne’e deklara liu tan, tempu badak governu sei aprezenta pedidu estadu emerjensia hodi limita sidadaun sira nian movimentu hodi hakbiit an responde ba situasaun daudauk.

“Pedidu estadu emerjensia hodi limita sidadaun sira nian movimentu, segunda-feira agora sei haruka ba Prezidente Republika Francisco Guterres ‘Lú Olo’ hodi hakbiit an responde ba situasaun emerjensia daudauk ne’e”, informa PM Taur.

Iha Sesta (20/03) ne’e, Xefe Estadu Timor-Leste Lú Olo fó sai katak bainhira simu ona pedidu emerjensia hosi governu sei tau  prioridade liu kona-ba dekretu Prezidensiál ba Estadu emerjensia. Ana

Leave a Reply

Your email address will not be published.