Fundasaun Cristal Selebra Loron Internasional ba Labarik
Naunil Media (Díli), Kada tinan iha loron 1 fulan Juñu labarik kiik sira Komemora Loron Internasional labarik ki’ik sira iha mundu, Inklui mós labarik sira iha Timor-Leste.
Prezidente Ezekutivu Fundasaun Cristal Agostinho dos Santos Gonçalves, hateten atividade husi IEC-FC hahú husi Ensinu Báziku 1°, 2° no 3° iha Cristal hamutuk hodi komemora loron Mundial de Criansa, mak loron 01 fulan Juñu iha mundu tomak selebra no mós iha nasaun Timor-Leste.
“Loron 1 fulan Junu husi Institutu Edukativu Cristal ho Fundasaun Cristal, realiza serimonia simples hodi selebara Loron Internasional labarik, ho atividade kompetisaun hala’i karon no mós tata berlindus no seluk tan, hodi halo animasaun ba labarik sira”, dehan Prezidente Ezekutivu Fundasaun Kristal Agostinho dos Santos Gonçalves ba jornalista sira kampu desportu Kristal Balidi, kuarta (01/06).
Nia hatutan, Loron mundial ba labarik ne’e Governu dekreta iha deklretu Lei, liu husi Ministériu Edukasaun katak, loron 01 fulan Juñu ne’e feriadu ba labarik sira.
Nia afirma, Ba Diretór sira, Profesores sira ne’ebé mak iha IEC-FC atu fó atensaun ba labarik sira, ne’ebé ba labarik sira nia problema oinsá, ita tenke fó apresiasaun no fó duni atensaun, hodi bele iha formasaun edukasaun ba mestre hotu-hotu tenke ho domin maka hanorin la bele ho forsa no labele hirus. Prezidente Ezekutivu ne’e, Fó parabéns ba labarik sira iha mundu no iha Timor-Leste, liu-liu ba labarik sira ne’ebé mak iha ISC-FC ba selebra Loron Internasional labarik ne’e. Ana
