PR Horta: Jokowi Kontenti Relasaun TL-RI
Naunil Media (Díli), Prezidente Repúblika (PR) José Ramos Horta hateten, Prezidente Repúblika Indonézia Jokowidodo kontenti relasaun Timor-Leste (TL) ho Repúblika Indonézia (RI), tanba Prezidente Jokowi akompaña di’ak situasaun no evolusaun iha Timor-Leste.
Kestaun ne’e hato’o husi Xefe Estadu ba jornalista sira iha sala konferensia imprensa VIP Airoportu Internasionál Nicolau Lobato hafoin ho ekipa remata vizita iha Indonézia, Segunda (25/07).
“Vizita iha Indonézia la’o di’ak tebe-tebes, ha’u haree Prezidente Jokowidodo akompaña di’ak situasaun iha Timor-Leste, evolusaun iha Timor nia kontenti ho ita nia relasaun, nia rasik fó ideias ruma ba delegasaun, ba ha’u rasik no ba membru governu sira ne’ebé akompaña iha enkontru bilateral ne’e, saida tan mak ita bele halo”, dehan Xefe Estadu.
Horta hatutan, Buat balun atu halo andamentu ne’e segimentu ba akordu ne’ebé guvernu assina buat balun ideia foun, tenke tur ho Primeiru Ministru ho governu depois governu mak haree, komisaun ruma interminesterial para halo segimentu ba ida ne’e.
“Ita bo’ot sira klaru akompaña imi nia kolega sira Indonézia, nia kobertura husi Jarakarta liu Labuang Bajum, tanba governur NTT mak Konvida i ha’u tinan 10 liu ba, ba Labuang Bajum mas mas vizita privadu kolega antigu sira Indonézia, mak momentu ne’ebá konvida wainhira ha’u ses aan nu’udar Prezidente i sira konvida ha’u ba fali, ha’u hakfodak ho mudansa Labuang Bajum ohin hanesan atraksi turistiku bo’ot loos infrastrutura no hoteis 5 estrela, Airoportu uluk iha hotel oan ida mak iha ne’ebá, la to’o tinan 10 sira transforma”, tenik Horta
Xefe Estadu hateten, Prezidensiá Repúblika nia vizaun hanesan governu nia vizaun hanesan bazeada buat barak halo tiha ona, liuliu tinan 10 mai ne’e planu estratéjiku dezenvolvimentu nasionál, tanba buat hotu tuir nia kontinuidade dala ruma laiha guvernu ida ke bele hahú i remata projetu bo’ot ruma sempre iha kontinuidade.
PR esplika, Iha buat balun inovasaun foun hanesan Fibra Optika, Kabu sub marinu inagurasaun Portu Tibar iha fulan Novembru ne’e reabilitasaun Airoportu Baucau buat sira ne’e hotu hanesan hatudu mós Timor nia preparasaun adezaun ba ASEAN.*Jos
