AMJTL: Hato’o Rekrutamentu Judisiariu La Tuir K-RDTL Ba PR
Naunil Média (Dili), Asosiasaun Magistradu Judisial Timor-Leste (AMJTL), hato’o preokupasaun organizasaun judisiariu nian ba Prezidente da Republica Francisco Guteres “Lu’Olo” kona-ba komisaun rekrutamentu, atu tau ba Lei maibe la tuir Konstituisaun da Republika Democratica de Timor-Leste (K-RDTL).
Preokupasaun ba komisaun rekrutamentu selesaun ne’ebé mak tau ba iha lei organizasaun judisiariu tanba ne’e la tuir K-RDTL.
Tanba konsellu superior Majistradu Judiasial ne’ebé iha ona kna’ar, orgaun sira labele tama hodi hasai fali ne’e latuir K-RDTL, nune’e sei viola prinsipiu Independensia Juiz sira nian.
Prezidente AMJTL, Antonino Goncalves, kasu lia hirak ne’e, ba jornalista sira hafoin, remata hasoru malu ho PR Francisco Guterres “Lú-Olo” iha Palásiu Prezidente Bairru Pite, Kinta, (21/10).
“Ami mai hato’o ami nia preokupasaun kona-ba komisaun rekrutamentu selesaun ne’ebé mak tau ba iha lei organizasaun judisiariu, tanba ne’e latuir ita nia K-RDTL,” tenik, Prezidente AMJTL
Nia hatutan, ne’e la tuir tanba Konstituisaun fó ona knaar ne’e ba iha konsellu superior Magistradu judisial fó ona kna’ar ba ne’e, orgaun sira seluk tama ba hodi hasai fali kna’ar ida ne’e mak latuir Konstituisaun, Ne’e viola ona prinsipiu Independensia Juiz sira nian ho prinsipiu Independensia tribunal sira nian.
Iha sorumutuk ne’e PR simu opiniaun husi AMJTL, hanesan sidadaun bai-bain, husi Juiz sira, husi ne’ebé de’it depois Prezidente mak sei tetu, tanba ne’e kna’ar direitu prerogativu PR mak sei tetu.*Jos
