Lere : Xanana Rezigna-án Ne’e Nia Direitu
Naunil Media (Díli), Xefi Estadu Maiór Jenerál FALINTIL Forsa Defeza Timor-Leste (F-FDTL), Maijór Jenerál Lere Anan Timur, hateten kona-ba resignasaun xefi negosiadór prinsipál ba fronteira marítima no terestre Kay Rala Xanana Gusmão, ne’e nia (Xanana) direitu no sei la impede dada kadoras mai Timor-Leste (TL).
Xefi Estadu Maiór Jenerál F-FDTL, Maijór Jenerál Lere Anan Timur, deklara asuntu ne’e relasiona ho rezignasaun Eis-Prezidente Kay Rala Xanana Gusmão nian husi kargu nu’udar xefi negosiadór prinsipal ba fronteira marítima no teresre entre Timor-Leste ho Austalia inklui foronteira terestre ho Indonézia.
“Ita hotu tenke rekuñese Maun Xanana nia esforsu ba luta libertasaun no dezemvolvimentu nasional, See Maun Xanana Resigna-án ne’e nia direitu, agora ema ne’ebe mak ba troka nia mak tenke fera ulun”, Xefi Estadu Maiór Jenerál F-FDTL, Maijór Jenerál Lere Anan Timur, ba jornalista sira hafoin sorumutuk semanal ho Prezidente Repúblika (PR), Francisco Guterres ‘Lú Olo’ iha Palásiu Prezidensiál Nicolau Lobato, Bairru Pité, Kuarta (15/07).
Veterano 24 Anos ne’e hatutan, kona-ba resignasaun Kay Rala Xanana Gusmão nian presiza halo klarifikasaun ba iha Prezidente Repúblika Inklui primeiru ministru kona-ba razaun hosi resigna aan ne’e.
“Uluk maun Xanana iha ai-laran, ha’u rasik dehan wainhira Xanana mate funu hotu ona, maibé momentu ne’e maun Xanana ema kaer tiha ami dehan aluta kontinua”, hateten Xefi Estadu Maiór Jenerál F-FDTL, Maijór Jenerál Lere Anan Timur.
Kona-ba resigansaun ne’e Eis-Prezidente RDTL, Kay Rala Xanana Gusmão hakerek karta ba Primeiru Ministru Taur Matan Ruak iha loron 11/07/20, antes tinan rua liu -ba xefi governu atual hasai rezolusaun iha loron 21 fulan Agustu tinan 2018 hodi nomeia Kay Rala Xanana Guamão mak sai hanesan xefi negosiador prinsipal ba iha soluasaun fronteira marítima Timor-Leste ho Australia. Dms
