Embaixada Indonézia iha TL Apoia Nesesidade Bázika ba PNTL

Fahe Tutan

Naunil Media (Díli), Kuarta (15/07) ne’e,  embaixada Repúblika Indonézia (RI) iha Timor-Leste (TL) apoia nesesidade bázika ba instituisaun Polísia Nasionál Timor-Leste (PNTL), liu-liu membru sira ne’ebe durante servisu maka’as ba kontra Corona Virus Disease 2019 (COVID-19).

“Ohin, ha’u mai hasoru  Komandu Jerál PNTL  no akonpaña empreza Mie Sedaap iha Timor-Leste hodi fó apoiu nesesidade báziku uituan ba logistika PNTL. Primeiru ha’u hato’o parabéns ba Timor-Leste, komandu jeral PNTL no ba funsionáriu sira ne’ebé servisu hamutuk ho Organizasaun Saúde Mundiál (WHO-Sigla Ingles) hodi konsege Timor-Leste livre ona husi COVID-19. Ida ne’e hanesan susesu bo’ot ba Timor-Leste”, Embaixadór RI, Sahat Sitorus, ba jornalista sira hafoin entrega nesidade bázika ba komadante Jerál PNTL, Komisáriu Faustino da Costa, iha Kuartel Jerál PNTL, Kaikoli.  

Diplomata RI ne’e hatutan, Governu Timor-Leste iha duni resposabilidade ba nia povu sira hodi prevene-án husi COVID-19 durante iha Estadu Emerjénsia (EE).

“Maske livre ona husi COVID-19, ita nafatin fó atensaun no tuir regras ne’ebé mak WHO fó sai fase liman bei-beik atu bele livre nafatin husi moras sira”. Nia sujere.

Iha fatin hanesan komadante Jerál PNTL, Komisáriu Faustino da Costa, hateten PNTL hakarak agradese ba emabaixada RI no diretór  Mie Sedaap ne’ebé apoia nesidade bázika ne’e.

“Dauluk husi embaixada RI no Mie Sedaap iha Timor-Leste fó ona apoia ba PNTL, ne’ebé ha’u lori  PNTL nia naran hato’o agradese ba embaixada RI no Mie Sedaap. Apoiu ne’e sei fahe ba komandu sira hotu”, akresenta Nia.

Embaixadór RI iha Timor-Leste, Sahat Sitorus akompaña husi Coronel Muji Diah Setiani no empreza Mie Sedaap, no nesesidade báziku ba PNTL supermi ho totál kaixa 900. Flo

Leave a Reply

Your email address will not be published.