Lere: Tinan 5 Mai Oportunidade Ikus Ba Jerasaun Tuan
Naunil Media (Dili), Atu lori nasaun Timor-Leste nia destinu ba oin, Mak lider historiku sira tenke tu’ur hamutuk, Liu hosi dalan konsensu ka dialogu.
Ukun nain li-liu lider historiku sira, Tenke buka malu, Tanba tinan 5 (Lima) mai tan ne’e, Ultimu oportunidade ba jerasaun tuan sira.
Lider historiku sira tenke tu’ur hamutuk, Maibe ida-idak ko’alia de’it iha nia fatin nasaun ne’e nunka bele la’o ba oin.
Tenente General Lere, Anan Timur, Kasu lia hirak ne’e ba jornalista sira, iha Palasiu Prezidente, Nicolau Lobato Bairru Pite, Kuarta, (29/12).
Tenenti General, Lere, Hateten, Tinan Lima mai tan ultimu oportunidade ba jerasaun tuan sira.
Nune’e Lere Anan Timur, Apela ba ukun nain liu-liu líder historiku sira buka malu, Tanba tinan lima mai ne’e ultimu oportunidade ba ami katuas sira.
Lider historiku sira tenke aproveita didi’ak tinan lima ikus iha 2022-2027.
Tenke hatudu maturidade politika ne’ebe di’ak, Nune’e jerasaun foun sira bele tuir dalan lo’os, Nune’e bele lori ne’e ba prosesu dezemvolvimentu, Tanba ida ne’e mak importante. *Jos
