FEATUREDGeralIkus LiuNews

Embaixadór Austrália Aktualiza Akordu FO Entre TL Ho Konpaña ASN Ba PR

Fahe Tutan

Naunil Media (Díli), Embaixador Austrália Bill Costello aktualiza área telekomunikasaun hanesan akordu Fiber Optik (FO) entre guvernu Timor-Leste (TL) ho konpaña Alcatel Submarine Network (ASN) ba Prezidente Repúblika (PR) José Manuel Ramos Horta.

“Ha’u mós atualiza Xefe Estadu atividade lubuk ida, hanesan iha area telekomunikasaun, ne’ebé ohin ami sai akordu ba asina akordu fiber optik entre governu Timor-Leste no kompañia Alcatel Submarine Network (ASN),” dehan Diplomata Austrália Bill Costello ba Jornalista sira hafoin remata enkontru ho Prezidente Repúblika (PR), José Manuel Ramos Horta iha Palásiu Prezidensiál Nicolau Lobato Bairru-Pite, tersa (31/05).

Diplomata Austrália ne’e hatutan,  Sira mós ko’alia uituan kona-ba negosiasaun ne’ebé akontese iha kampu greater sunrise ne’ebé haree kona-ba espesial rejime ne’ebé liga ba asina akordu Fronteira Maritima iha tinan 2018.

Bill Costello hateten Austrália iha komiténtu mutua atu Servicu ho guvernu Timor-Leste iha mobilidade trabalhador ne’ebé Austrália sei fo oportunidade barak ba Timor oan sira ba servisu iha Austrália ho tempu ne’ebé naruk.

“Ami iha komitmentu mutua atu koopera iha brokasting entre Timor-Leste no Austrália, ha’u mós hakarak emfaze katak governu foun Austrália iha komitmentu atu servisu ho governu Timor-Leste iha mobilidade traballadór ne’ebé Austrália sei fó oportunidade barak ba Timoroan sira hodi bá servisu iha Austrália ho durasaun tempu ne’ebé naruk, nune’e mós fornese viza rezidensia permanente ba Timoroan sira ne’ebé ba Austrália,” hateten Embaixador

Embaixador ne’e esplika objetivu husi enkontru ne’e mós atu atualiza area balun hanesan kooperasaun entre Austrália no Timor-Leste, espesifikamente fó hatene kona-ba progessu formasaun governu foun iha Austrália.

Nia dehan sira mós foin lalais hala’o eleisaun semana kotuk no hili ona Primeiru Ministru no mós ohin loron hili  Ministru sira seluk, nune’e sira ko’alia kona-ba kontaktu entre governu husi nasaun rua, no mós sira ko’alia no konfirma posibilidade kona-ba vizita Prezidente Repúblika ba Austrália ne’ebé sei akontese iha tempu hirak tuir mai.

Ikus nia mós kontente hasoru malu ho Prezidente Repúblika ba primeira vez hafoin simu responsabilidade foun nu’udar Xefe Estadu. *Jos

Leave a Reply

Your email address will not be published. Required fields are marked *