Prezidente TLPU Candido: PR Promete Buka Dalan Ba Jornalista Sira Tuir Formasaun Iha Lingua

Naunil Media (Díli), Prezidente Timor-Leste Press Union (TLPU) Candido Alves hateten, Prezidente Repúblika José Manuel Ramos Horta promete buka dal aba jornalista sira hodi tuir formasaun kona-bá lingua Portgés no lingua Igeles.

“Prezidente Repúblika dehan sei ko’alia ho instituisaun relevante sira hanesan Lorosa’e English Language Institute (LELI) no instituto Camões atu fornese formasaun lingua Ingleza no Portugés oinsa atu buka dalan jornalista sira atu nune’e aumenta kapasidade hodi hasa’e liu-liu ho linguistika”, dehan Prezidente Timor-Leste Press Union (TLPU) Candido Alves ba jornalista sira hafoin hasoru malu PR José Manuel Ramos Horta iha Palásiu Prezidensiál Bairru-Pite, Tersa (31/05).

Nia hatutan, Ami hato’o bá presidente repúblika kona-bá buat ne’ebé itá hasoru, presidente repúblika responde katak sei hatutan ba governo atu nune’e buka fatin ida ne’ebé digno bá TLPU.

Ami mós husu oinsa jornalista sira bele hetan formasaun liu-liu bá protokolo, no mós jornalista sira ne’ebé destekadu iha PR, atu bele iha fatin ida bá sira nune’e sira bele hala’o servisu ho di’ak, dehan nia.

Nia afirma, PR responde  ho posetivu,no sei prepara fatin sei trata jornalista sira ne’ebé destaka iha Palásiu Prezidensiál ho dignu kompleta ho fasilidade hanesan komputadór, instalasaun Wi-Fi no sei prepara mós ai-han ruma tuir kondisaun ne’ebé iha. Ana