MNEK Adalsiza: Papél Embaixadores Ajuda Governu Atrai Investidores
Naunil Media (Dili), Ministra Negósiu Estranjeiru no Koperasaun (MNEK), Adalsiza Magno hateten papél Embaixadores atu ajuda guvernu hodi atrai investidores halo rekoperasaun ekonómiku.
“Ami ko’alia kona-bá topiku prisinpal husi reuniaun koodenasaun nian ko’alia kona-ba oinsá papél embaixador sira hodi atrai investidores no mós hodi ajuda governu halo rekoperasaun ekonomiku no mós diversifikasaun ekonomiku,” dehan MNEK ba Jornalista sira hafoin ho embaixador sira reuniaun ho Prezidente Repúblika (PR), José Ramos Horta iha palásiu Prezidensiál Nicolau Lobato Bairru Pite, tersa (31/05).
MNEK hatutan, Prezidente Repúblika mós konkorda ho ida ne’e no mós fó mensajen seluk hanesan ema hotu hatene Prezidente Repúblika Diplomata tuan, ne’ebé ke iha esperiénsia esplika uituan kona-ba papél saida mak embaixador sira tenke halo.
Adalsiza hateten Mensajen husi Prezidente Repúblika ba Embaixadores sira mak servicu didiak no mós bele hamorin Timor-Leste nia naran no mós bele ajuda guvernu atu atrai investidores sira.
Nia dehan, Ohin sira komprementa Prezidente Repúblika hodi mós bele rona Mensajen ruma ou ko’alia assuntu balun ne’ebé mak bele diskuti ho Prezidente Repúblika.
Nia esplika, Embaixador sira ne’ebé mak aprezenta ba Prezidente Repúblika mak hanesan embaixador Asean sira, Austrália, Nova Zelándia, Estadu Unidus Amérika to’o 28 países.
Iha biban ne’e MNEK mós lori embaixador sira Timor-Leste ne’ebé mak rezidentes iha países rai li’ur koprementa Prezidente Repúblika tanba sira iha ne’e hela hodi partisipa iha reuniaun koodenasaun retiru tinan-tinan embaixador sira nian hodi halo koordenasaun entre MNEK ho embaixador sira. *Jos
