Jenerál Lere : Padre Maubere Krítika Naimori Núdar Sarani Katóliku

Fahe Tutan

Naunil Media (Díli), Xefe Estadu Maiór Jenerál FALINTIL Forsa Defeza Timor-Leste (F-FDTL), Maijór Jenerál Lere Anan Timur, hateten kona-ba krítiku husi amu Domingos Maubere ne’e hanesan parte ida hosi sarani katoliku nian ba Konseleiru Partidu KHUTO, José dos Santos Naimori Bukar.

Xefe Estadu Maiór Jenerál F-FDTL, Maijór Jenerál Lere Anan Timur, hateten asuntu ne’e ba jornalista sira hafoin sorumutuk ho Prezidente Repúblika (PR), Francisco Guterres ‘Lú Olo’, iha Palásiu Prezidensiál Nicolau Lobato, Bairu Pité, Tersa (01/07).  Relasiona ho ho deklarasaun Amu Domingos Soares Maubere nian fóin lalais kona-ba tradisaun Namori nian halo juramentu hemu ran.  

“Kona-ba alin  Naimori halo ne’e nia tradisaun kultura, ba hau la hatene maibé ita nia  lei mos fó dalan costume, tradisaun, kultura ne’e ida-idak halo”, hateten Jenerál Lere Anan Timur.

Tanba ne’e, Eis-komandante Rejiaun Um Ponta Leste, Lere, konsidera kritiku husi amu Maubere nian ne’e hanesan parte ida hosi sarani katolika ba Naimori.

“Se-nia dehan sala, aban-bainrua Naimori tenke ba komfesa. Se Naimori dehan nia atu los ka sala aban bainrua São Pedro mak deside” tenik eis gerileiru durante 24 anos ne’e.

Tuir Konstituisaun Reppúblika Demokrátika Timor-Leste (K-RDTL), artigu 59 alinea 5 koalia kona-ba ema hotu-hotu  goja no harii kultura hanesan nia obrigasaun atu haburas no defende nomos valoriza patrimoniu kultura. Dms

Leave a Reply

Your email address will not be published.