Aktividade Aprendijazen iha TL Atinji Pursentu 99 (%)
Naunil Media (Díli), Ministru Edukasaun Juventude no Desportu (MEJD), Armindo Maia, informa aktividade aprendijazen eskola sira iha teritóriu Timor laran atinji kuaze pursentu 99 (%) hafoin paradu fulan tolu relasiona ho Surtu COVID-19.
“Agora dadaun ita bele hateten pursentu 99 (%) eskola sira iha teritóriu tomak nia prosesu aprendijazen realiza abertura ona, iha Oe-Cusse, iha semana kotuk ha’u nia Vise-Ministru ba hala’o reabertura tan ensinu balu, iha eskola sira ne’ebé besik fronteira ita sei tetu maibé ita bele dehan 99 %”, Ministru Armindo Maia, ba jornalista sira hafoin reuniaun Konsellu Ministrus iha Palásiu Governu, Kuarta (26/08).
Armindo hatutan, Ministériu mos apoia ekipamentus ba eskola sira hodi halo prevensaun COVID-19 iha prosesu aprendijazen mak hanesan Maskra, Balde no selun tan.
Enkuantu kona-ba anin bo’ot ne’ebe mak halo estragus eskola balu iha Postu Quelicai, Ministru Armindo, hateten to’o agora nia seidauk hetan informasaun, nune’e sei husu tuir parte ténkiku sira.
Ikus-liu, Governante ne’e, informa mos ezame nasionál sei realiza iha fulan Novembru tinan ne’e. Lop
