FEATUREDIkus LiuNewsPolitika

Hugo Dezafia Papel CI Kontra Ezbosu Lei Kriminaliza Difamasaun

Fahe Tutan

Naunil Media (Díli), Deputadu Adérito Hugo da Costa dezafia papél Konsellu Imprensa (CI-Sigla Português) nian atu kontra ezbosu Lei kriminaliza difamasaun ne’e dadaun ne’e prepara husi Ministru Justiça Manuel Cárceres da Costa.  

Deputadu bankada Congreco Nacionál Reconstrução de Timor (CNRT), Adérito Hugo da Costa, ba jornalista sira iha resintu Parlamentu Nasionál (PN), Kuarta (01/07).   

“Ha’u hanoin Konsellu Imprensa iha papél importantísimu tebes hodi enfrenta tentativa sira atu introdús kontra produtivu ho ita-nia definisaun Konstituisaun RDTL artigu 40 no artigu 41 tanba dezde restaurasaun independénsia ita tane-aas tebes. Ita-nia seitór komunikasaun sosiál la’o diak tebes iha rai-laran”, hateten Adérito Hugo da Costa.   

Reprezentante povu ne’e, hatutan presiza kompozisaun Konsellu Imprensa ida forte hanesan hodi halo debate ho governu kona ba inisiativa hosi Ministériu Justisa.

“Em prinsípiu Bankada CNRT ne’ebé durante ne’e akompaña dezenvolvimentu institusionál, iha preferénsia ba profisionál seitór meiu komunikasaun sosiál nian no rekursu umanu ne’ebé ami akompaña mandatu Konsellu Imprensa ida liu-bá, ne’ebé ke hahú funsionamentu Konsellu Imprensa no hala’o kna’ar ho di’ak tebes”, tenik Adérito Hugo.

Kona-ba mandatu CI periode 2020 to’o 2024 ne’e, Adérito, dehan sé deit ba iha Konsellu Imprensa tenke reprezenta komunidade media iha Timor-Leste, lori aspirasaun media ninian ba iha konsellu hodi kontinua halo regulamentasaun ba servisu media profisionál liu-tan, neutru hodi kontribui ba dezenvolvimentu nasaun. Uar

Leave a Reply

Your email address will not be published. Required fields are marked *