TL Tama ASEAN Sei Kontribui Makas Situasaun Myanmar
Naunil Media (Kambodia), Hafoin hasoru malu ho Primeiru Ministru Reinu Cambodia, no alta entidade husi reinu Cambodia Prezidente Repúblika José Ramos Horta hateten Timor-Leste (TL), Tama Association of Southeast Asian NationsASEAN Sei Kontribui Makaas Situasaun iha Myanmar.
“Bainhira Timor-Leste tama ASEAN sei kontribui makas ba diplomasia kona-bá situasaun iha Myanmar, iha kontestu ASEAN atu haree oinsa kontribui hodi hetan solusaun, tanba bainhira kontinua sei afeta bá ASEAN nia kreadibilidade”, dehan Xefe Estadu liu husi Komunikadu ne’ebé Naunil Media assesu iha Prezidensiá Repúblika, Kinta (20/10).
Prezidente Horta mós rekorda sofrimente líder no povu Myanmar, tanba ne’e promete atu hametin parseria ho ASEAN, hodi solusiona konflitu liu husi dalan diálogu.
Iha enkontru ne’e mós oinsá atu rona Prezidente Repúblika José Ramos Horta nia apresiasaun no análiza konabá situasaun mundiál liu-liu Ukránia no polítika Amerikanu no relasaun Timor-Leste nian.
Tuir Xefe Estadu, Primeiru Ministru Hun Sen Kambódia apoia tebes adezaun Timor-Leste ba ASEAN no envolvimentu Timor-Leste iha organizasaun rejionál ne’ebé kontribui liu-tan diplomasia ho nasaun seluk no kontribui ba rezolusaun problema iha Myanmar.
Vizita Xefe Estadu ba Kambódia husi loron 19 to’o 21 fulan Outubru, hanesan resposta ba konvite husi Liurai Reinu Kambódia, Narodom Sihamonia, hodi hametin relasaun bilaterál ho Timor-Leste. *Jos
