MNEK Adalsiza : STAE, CNE Lakonsege Resenseamentu Iha Austrália
Naunil Media (Díli), Ministra Negósiu Estranjeiru no Koperasaun (MNEK sigla portugés) Adalsiza Magno, Hateten Sekretáriadu Tekníku Administrasaun Eleitoral (STAE) no Komisaun Nasionál Eleisaun (CNE) lakonsege halo resenseamentu iha Austrália tanba situasaun Lockdown.
MNEK Adalsiza Magno hato’o lia hirak ba jornalista bainhira remata hasoru malu ho Prezidente Repúblika (PR) Francisco Guterres “Lú Olo” iha palásiu Prezidensiál Nicolau Lobato Bairru Pite, Tersa, (25/01).
“Austrália nian tanba situasaun sira Lockdown hela de’it, entaun ita nia STAE ho CNE lakonsege ba halo resenseamentu, maibé eleisaun ba hala’o nafatin sei tenta para halo, maibé agora depende mós ba situasaun iha rai laran iha Austrália sira premiti ita halo”, dehan MNEK Adalsiza Magno
Nia hateten, Resenseamentu iha diaspora la’o di’ak no sidadaun Timor-oan ne’ebé hela iha rai li’ur, barak mak rezistu liuliu iha Inglatera no Portugál.
“Resenseamentu iha diaspora la’o ho di’ak no barak mak ba rezistu para truka kartaun, barak liu iha Inglatera besik rihun rua no mós iha Portugál, tanba situasaun Pandemia maibé embaixada sira esforsu aan duni para halo resenseamentu,” katak nia.
Jornalista Jos
Editór Lop
