Governu Aprova Proposta Estende EE Ba Datoluk

Fahe Tutan

Naunil Media (Díli), Ministru Reforma Lejislativa no Asuntu Parlamentár (MRLAP), Fidelis Manuel Leite Magalhães, hateten liuhosi reuniaun estraórdináriu Konsellu Ministru, governu aprova proposta estensaun Estadu Emerjénsia (EE) ba datoluk   nian aumenta loron 30, nune’e iha tempu badak sei hato’o ba Prezidente Repúblika (PR), Francisco Guterres ‘ Lú Olo’.

MRLAP, Fidelis Manuel Leite Magalhães, ba jornalista sira hafoin reuniaun estraórdináriu Konsellu Ministru nian iha Palásiu Governu, Segunda (25/05).

“Ohin Konsellu Ministru (KM) enkontru hodi estende Estadu Emerjénsia aumenta tan  loron 30. Estadu emerjénsia daruak ne’ebé   sei hotu iha 27 Maiu agora, nesesidade atu aumenta, estensaun ne’e tamba iha preokupasaun ho sitausaun moras COVID-19, akontese nasaun viziñu sira númeru  sa’e maka’as”, hateten Ministru Fidelis Manuel Leite Magalhães.

Membru governu konstitusionál da-ualu, Fidelis, hatutan “Estende Estadu Emerjénsia datoluk ne’e sei fó prioridade liu-ba fronteira terestre no Aeroportu. Taka  fronteira nune’e ema hosi rai liur labele tama mai ita nia rain no fronteira bandu  sei la tama Timór, loke espasu  aviaun sira ne’ebé tula material  espesifiku mai no Ro sira ne’ebé tula hahan mai”.

Tuir governante ne’e, katak Estadu Emerjénsia datoluk sei fasilita estadu,  liu-liu  Ministéiru Saúde atu halo konfinamentu obrigatóriu ba suspeitu sira mak hetan moras COVID-19.

Proposta estensaun Estadu Emerjénsia hetan aprovasaun hafoin reuniaun estraórdináriu Komsellu Ministru, iha Palasiu Governu, Segunda (25/05) ne’e. Nune’e governu sei hato’o pedidu refere ba Prezidente  Repúblika manda ba Parlamentu Nasionál atu apresiasaun hafoin Xefe Estadu Timor-Leste dekreta tuir dalan konstituisaun. Jjf

Leave a Reply

Your email address will not be published.