Semana Oin, Membru Governu Konstitusionál Da-Ualu Indizita Hosi CNRT Sei Retira
Naunil Media(Díli), Membru Konselu Polítiku Nasional (KPN) Partidu Congreco Nacionál de Reconstrução Timor (CNRT), Tomas Cabral, informa membru governu konstitusionál da-ualu ne’ebe indizita hosi partidu CNRT, hahu loron 25 fulan Maiu ne’e sei retira hosi sira nian kargu.
Membru KPN CNRT, Tomas Cabral, ba jornalista sira liuhosi konferensia inprensa iha sede Nasionál Partidu CNRT, Bairos dos Grilhos, Sábadu (23/05).
“Membru Governu Indizita hosi Partidu CNRT, hahu hosi loron 25 fulan Maiu tinan 2020, sira retira hosi mandatu Governu konstitusional da-ualu” dehan KPN Tomas Cabral.
Membru governu konstitusionál da-ualu mak indizita hosi Partidu CNRT hamutuk nain sia (9), kompostu hosi Ministru Negósius Estranjeirus no Koperasaun, Dionísio Babo, Vise Ministra Finansa Sara Lobo Brites, Ministru Konsellu Prezidensiál Konsellu Ministru Agio Perreira, Ministra Edukasaun Juventude no Desportu Dulce de Jesus Soares, Vise Ministru Admistrasaun Estatal José Abilio Caetano, Sekretáriu Estadu Koperativa Arcenio Perreira, Sekretáriu Estadu Arte Kultura Teofilho Caldas, Sekretáriu Estadu Asuntu Veteranus, Gil da Costa Monteiro ‘Oan-Soru”, Sekretáriu Estadu Juventude no Desportu Nélio Isac Sarmento. Uar
