Hafoin Hato’o Karta Rejignasaun Ba PM Taur, Dionísio Babo : “Demokrásia Ninia Konsikuensia Mak Nune’e”

Fahe Tutan

Naunil Media (Díli), Segunda (25/05) ne’e,Ministru Negósius Estranjeirus no Koperasaun (MNEK), Dionísio Babo Soares hato’o ona karta pedidu  rejignasaun ba Primeiru  Ministru (PM), Taur Matan Ruak, hanesan kompri desizaun hosi líder partidu Congreco Nacionál de Reconstrução Timor (CNRT) lidera hosi Kay Rala Xanana Gusmão.

“Tuir desizaun partidu nian membru governu CNRT hotu kedas no sira ne’ebé mak indijita ou indikadu hosi partidu CNRT, maibé hato’o rejignasaun ne’e ida-idak nian. Ha’u labele ko’alia tan ba Ministru ida seluk nia naran, ha’u ko’alia deit ba ha’u nia-an, desizaun koletivu partidu nian” hateten atual MNEK, Dionísio Babo Soares, ba jornalista sira hafoin hato’o nia pedidu rejignasaun ba PM Taur Matan Ruak, iha Palasiu Governu.

Atual MNEK, Dionísio Babo Soares, hatutan hato’o pedidu ba xefe governu konstitusionál da-ualu ne’e, nia kompri de’it tuir desizaun partidu CNRT fó sai, katak menbru governu ne’ebé indizita hosi CNRT tanke sai hosi kargu atual, tanba konsikuensia hosi lala’ok demokrásia iha rai-laran

“Maibé ita-nia lala’ok polítika demokrásia mak hanesan ne’e, klaru ita tenke ho fuan bo’ot simu. Karta  pedidu rejignasaun ne’ebé ha’u hatama ba xefe governu no xefi governu sei haruka fali despaixu ba xefe estadu atu ezonera tuir lei”, Dehan Nia.

Liuhosi konferensia imprensa iha sede partidu nian Bairo dos Grilho, Sbadu (23/05) ne’e, ne’ebe lidera hosi Prezidente Partidu CNRT, Kay Rala Xanana Gusmão ho membru Konsellu Polítika Nasionál, Tomas Cabral, hateten hahu loron Segunda (25/05) ne’e ba oin, membru CNRT iha governu konstitusionál da-ualu sei retira hotu hosi nia kargu. Enkuantu membru governu ne’ebé indijita hosi partidu CNRT mak hanesan, Vise Ministra Finansas, sara Lobo Brites, Sekretáriu Estadu Asuntus Kombatente  Libertasaun Nasionál, Gil da Costa Monteiro ‘Oan Soru’, Ministru Negósius Estranjeirus no Koperasaun (MNEK), Dionísio Babo Soares, Ministru Konsellu Prezidensiál Konsellu Ministru, Agio Perreira, Ministra Edukasaun Juventude no Desportu, Dulce de Jesus Soares, Vise Ministru Administrasaun Estatal, José Abilio Caetano, Sekretáriu Estadu Koperativa, Arcenio Perreira, Sekretáriu Estadu Arte no Kultura, Teófilho Caldas no Sekretáriu Estadu Juventude no Desportu, Nélio Isac Sarmento. Ana

Leave a Reply

Your email address will not be published.