PR Horta Preokupa Orsamentu Ba Nutrisaun No Edukasaun Kiik
Naunil Media (Liquiçá), Prezidente Repúblika (PR), José Ramos Horta Preokupa Orsamentu Jerál Estadu (OJE) 2023 liuliu iha Ministeriu Saúde (MS) ba nutrisaun infantil no edukasaun uituan loos kompara ho orsamentu 2022.
“Segundu ha’u nia Preokupasaun ke Preokupasaun konsensual nasionál guvernu rasik halo guvernu nia programa ne’e liuliu husi ministeriu saúde kona-ba nutrisaun, seguransa alimentar maibé ha’u haree la refleta iha orsamentu jerál estadu ne’e ha’u fó hatene sai ona ba guvernu ha’u nia Preokupasaun ke afinál programa ba nutrisaun infantil ba edukasaun uituan loos tun tan kompara ho 2022 ba 2023 tun liu fali purtantu ne’e ha’u lakonkorda,” dehan Horta ba jornalista sira hafoin vizita Institutu BAMBÚ, Tibar, kuarta (16/11).
Prezidente Repúblika mós preokupa kona-ba fundu ba veteranu sira tanba dadaun ne’e guvernu seidauk esplika didiak oinsá atu halo jestaun no mós aplikasaun.
“Ha’u preokupa loos, primeiru ha’u sefose señór Primeiru Ministru guvernu ida fundu ba veteranu ne’e dudu tiha lai ba 2023 2024, tanba guvernu too agora seidauk esplika didiak oinsá mak fundu ba veteranu ne’e atu halo nia jestaun nia aplikasaun buat sira ne’e i la’ós momentu para halo ida ne’e,” katak PR*Jos
