FEATUREDIkus LiuNewsPolitika

PLP Postu Maubara Re-Estrutura Hodi Hasoru Eleisaun Parlamentar 2023

Fahe Tutan

Naunil Media (Maubara), Koordenador Interinu Partidu Libertasaun Popular (PLP) Munisípiu Liquiçá, Aderito Lobo informa, Ohin re-estrutura iha nível postu Maubara hodi halo preparasaun atu hasoru eleisaun parlamentar tinan 2023.

“Ohin estrutura nasionál hamutuk ho estrutura munisípiu re-estrutura hodi fó pode ba estrutura foun sira iha partidu  Partidu Libertasaun popular iha nível postu adiministrativu Maubara, hodi halo preparasaun iha baze atu hasoru eleisaun parlamentar iha 2023”, dehan koordenador Partidu Libertasaun Popular (PLP), Munisípiu Liquiçá Aderito Lobo ba Naunil Media iha postu adiministrativu Mauabara, munisípiu Liquiçá, sábadu (18/06).

Nia hatutan, estrutura sira ohin ne’ebé simu ona pose hodi halo preparasaun mós ba kongresu Nasionál ba partidu PLP nian.

Nia parte husu ba estrutura sira ne’ebé mak iha esforsu makas atu bele alkansa objetivu Partidu nian iha baze.

“Apela mós ba militantes PLP iha munisípiu Liquiçá, nafatin kria unidade paz nune’e bele moris hakmatek iha ambiente ho alegria”, katak Nia.

Postu tolu ih munisípiu Liquiçá sei finaliza nia restruturasaun iha loron 2 fula Jullu  hodi prepara ba kongresu Partidu PLP. hakotu Nia.

Iha serimonia tomada de pose ne’e mai husi suku hitu iha postu amdinitrativu Maubara nian, hetan partisipasaun husi estrutura nasionál no mós estrutura munisípiu Liquiçá. Lop

Leave a Reply

Your email address will not be published. Required fields are marked *