Kopa 12 Novembru : Emanuel Riba Santa Cruz 2-0
Naunil Media (Díli), Emanuel FC susesu hakat ba 8 finais hafoin riba adversáriu Santa Cruz FC ho score 2-0 iha round off 16 Kopa 12 de Novembru, hala’o jogu iha stadion Munisipal Díli, Domingu (22/11).
Inísiu jogu ekipa rua ne’ebé mai husi divizaun rua ne’e hotu-hotu hatudu jogu furak iha kampu hodi atrai adeptu sira (fotbollover) mak asiste direta jogu refere.
Golu husi ekipa Emanuel FC foin produs iha minutu 33 liu husi jogadór, Romario Moniz.
Jogadór mediu ho númeru kamizola 15 ne’e marka golu liu husi kabesada, nune’e score muda ba 1-0, mantein to’o termina jogu primeira parte.
Kontinua ba jogu segunda parte ekipa rua ne’e mantein lansa kontra atake ba malu,
no tama ba iha minutu 53 Emanuel FC aumenta tan golu ida hodi hadook score ba 2-0 liu husi asaun Filomeno Savio.
Eis jogador Fitun Estudante ho númeru kamizola 10 ne’e marka golu hafoin kedok guarda rede Santa Cruz FC hafoin suta tama ba rede laran, nune’e score muda aan ba 2-0.
Score 2-0 ne’e halo ekipa Santa Cruz halo mudansa ba tatika liu husi subtituisaun jogador maibé la konsege rezulta golu to’o termina jogu segunda parte, Emanuel FC manan ho score 2-0. Dvo
