Taça Voleiból PNTL 2020, Ekipa Feto Choque Sukit Sai Atoni Ambeno

Fahe Tutan

Naunil Media (Díli), Ekipa Voleiból Feto Choque sukit sai nia ekipa adversariu Atoni Ambeno ho eskor 3 versu 0 (mamuk) iha taça PNTL Cup 2020, hafoin kontra atake entre ekipa rua nian mak hala’o iha iha kampu SEJD Lesidere, Kuarta (18/03).

Ekipa rua ne’e hahu jogu primera parte iha tuku 4:00 Otl, iha inísiu jogu ekipa hotu-hotu hatudu jogu furak no atraitivu, maibe sorti di’ak monu ba ekipa Choque hodi  ukun set dahilik ho pontu 25 no Atoni Ambeno rekoilla de’it pintus 16, nune’e lidera hosi Choque  ho eskor 25 versu 16.

Kontinua ba set daruak, ho esforsu oi-oin hosi no halo mudansa tátika jogu hosi ekipa Atoni Ambeno maibe ho ekipa Choque ne’ebe mai ho nia jogadór sira mais esperensia no tátika di’ak liu, Choque kontinua lidera ho pontus mihis 25-23.

Set datoluk nu’udar determinasaun ba vitória, jogador husi ekipa Atoni Ambeno tenkeser rende tanba la konsege satan bola ne’ebe lansa hosi ekipa Choque no lídera ho pontus vitória 25-16.

Husi rezultadu ne’e obriga ekipa Atoni Ambeno sai husi taça PNTL Cup 2020, enkuantu  ekipa Choque kontinua hakat ba jogu tuir mai. Dvo

Leave a Reply

Your email address will not be published.