PPN, Arão Noe : “Governu Tenke Rekonstrui Uma Komunidade Mak Afeitadu Inundasaun”

Naunil Media (Díli), Prezidente Parlamentu Nasionál (PPN), Arão Noé de Jesus da Costa Amaral, hateten governu tenke hola inisiativa hodi apoia rekontrui vítima sira  nia uma ne’ebe afeitadu inundasaun tanba komunidade mota sobu sira nian uma.

Xefe órgaun lejisladór, Arão Noé de Jesus da Costa Amaral, ba jornalista sira ba jornalista sira hafoin hala’o limpeza iha Bidau Jardin Habibie, Tersa (17/3).  

“Ohin fó ona apoiu limpeza jerál durante loron rua, limpeza hosi area Bidau Santa Ana nian no tuir planu Parlamentu Nasionál aban sei kontinua halo limpeza jerál iha sidade laran ne’ebé afeitadu inundasaun. Governu tenke ho inisiativa hodi   buka apoiu ruma  ba vítima sira  ne’ebé afetadu inundasaun tanba komunidade balun mota sobu sira nian uma, tan ne’e presiza apoiu ruma ba komunidade hodi rekonstrui fila-fali sira nian uma”, hateten PPN, Arão Noé.

Prezidente Parlamentu Nasionál (PPN) Arão Noé da Costa Amaral husu sentidu kondelensia ba família sira ne’ebé foin lalais afetadu inundasaun iha Munisípiu Díli.

Iha biban ne’e, Xefe orgaun lejisladór Arão lori naran Parlamentu Nasionál hato’o  kondelensia ba família vítima dezastre natural (inundasaun). “Hau en-mone Parlamentu Nasionál hato’o sentimentu kondolensia ba família vitima sira ne’ebé ke hetan dezastre foin  lalais. Sira barak mak sei abandona uma, ne’ebé mota sobu. Ami mós preokupa ho situasaun ida ne’e  no asaun sira ne’e ita hein katak bele rekopera fali”,  dehan Arão. Uar