Ponte Seloi-Kraik Iha Aileu Kotu Defikulta Movimentu Komunidade

Fahe Tutan

Naunil Media (Aileu), Komunidade Aldeia Casamou, Suku Seloi-Kraik, Postu Administrativu Aileu Villa preokupa ho Ponte Seloi kotu hafoin akontese udan bo’ot foin lalais.  

Situasaun ne’e defikulta movimentu komunidade, tanba transporte públiku labele ultrapasa, nune’e susar ba komunidade atu lori produtu ba fa’an iha merkadu.

Nune’e, Tersa (05/01) Administradór Munisípiu Aileu, João Tilman do Rego, ho ekipa direitamente tun ba terenu hodi haree kondisaun ponte ne’ebe mota sobu.    

“Afeita tebes sirkulasaun komunidade inklui transporte públiku ne’ebe transporta produtu komunidade ba merkadu”, João Tilman do Rego, ba jornalista Naunil Media iha fatin akontesementu.

Nune’e Administrador kontaktu ona parte Kompañia CAFIT nu’udar responsável no Obras Públikas atu buka solusaun.  

“Ohin ha’u kontaktu ona ba Direktur Kompañia inklui Direktur Obras Públikas ho enjeneiru sira, atu bele hare fila-fali” tenik nia.

Nia dehan, autoridade municipal sei koopera ho nain ba kompañia ba reabilitasaun ponte refere no sei garante kualidade. Ony

Leave a Reply

Your email address will not be published. Required fields are marked *