AIFAESA Rekoilla Reseita $379.170 ba Kofre Estadu
Naunil Media (Díli), Durante existensia tinan haat Autoridade Inspesaun no Fiskalizasaun ba Atividade Ekonómia Sanitariu no Alimemtar (AIFAESA,I.P) rekoilla reseita U$379.170 ba kofre estadu. Reseita ne’e mai husi inspesaun ba atividade sanitaria no alimentar.
“Tuir dadus tinan haat iha 2017, AIFAESA halo inspesaun ba atividade komersial sira hamutuk 1.247 hetan multa hosi komersiante sira ba kofre estadu hamutuk $127.500, Infraksaun hamutuk 501, iha tinan 2018 inspesaun hamutuk 656 multa hatama reseita ba kofre estadu $149.00, hetan infrasaun 230”, Koordenadór AIFAESA, Abilio Oliveira Sereno, ba jornalista sira, hafoin halo inspeksaun ba produtu loja sira iha Bidau Lecidere, Sesta (26/06).
Koordenadór AIFAESA, Abilio Oliveira Sereno, informa iha tinan 2019 halo inspesaun hamutuk 3.457, multa selu ba kofre estadu hamutuk $86,000, infrasaun hamutuk 443 no iha tinan 2020 halo inspesaun 1.101, multa $16.300 infrasaun 217 totál hamutuk $379.170 ba kofre estadu.
“Ohin AIFAESA halo inspensaun ba kioske 10, restorante 1, padaria 2 no AIFAESA prende tan sasan hamutuk 219, produtu alimentar hamutuk 210 no tabaku ilisitu hamutuk 9”. Dehan Abilio. Ivo
